Nizan 2022 FIFA World Cup qualifier match England eh Andorra khelhah khan England lam chuan 4-0 lai maiin hnehna an chang a, Jesse Lingard’an goal 2 khungin Cristiano Ronado celebrate angin a celebrate a nih kha, kha tia a celebrate chhan kha a sawi chhuak.
England in 4-0 a hnehna an chanah khan Manchester United midfielder Jesse Lingard chuan goa 2 a khung a, international break an neih chhungin England tana a vawi 2 khelhna a ni.
Nizana a goal khung hmasakna zawkah khan Ronaldo celebrate angin a celebrat sang taka zuangin “Siu” tih chu a hmang, game khelh zawha a sawifiahnaahh chuan, Red Devils player lak luh hnuhnung ber C Ronaldo tan ‘Welcoming Gift’ a nih thu a sawi.
“Kei leh Mason Mount chuan tunkar kan khelh turah celebration chungchang kan ngaihtuah a, Cristiano Ronaldo celebrate anga celebrate kan tum a, kei chuan goal ka khung chuan ka celebrate ang tin ka sawi.”
“Hei hi C Ronaldo welcome na thilthlawnpek tih lanna ve na a ni. Rang takin Old Trafford-ah a rawn lut a, tun season-ah hian nasa takin team te a tanpui dawn a ni.” tiin a sawi bawk.
Kan hriat angin kar hmasa lamah khan C Ronaldo chu Engish champions vawi 20 lai lo ni tawh United ah a insawn fel a, Old Trafford a chhuahsan atanga kum 12 hnuah a kir leh a ni. Spain lama hun a hman chhung hian games 438 lai mai inlanin goals 450 a khung. Juventus lamah insawn lehin goal 100 chung a khung leh hman a ni.
Tun season khelh mekah Lingard hian United tan minute 270 khelh tur awm atang minutes 4 chiah ala khel rih a, West Ham lama a khelh lai khan match 16 atang goal 9 lai mai a khung a nih kha. United-ah hian che tha tak ang maw?
Source Sl