Leicester, Leeds leh Milan te’n Club Brugge star an inchuh

Belgium club Club Brugge star Charles De Ketelaere chu Leicester, Leeds leh Milan te’n lakluh tum in an hel.

A tirin Leicester City in an thlithlai phawt a tunah erawh he rawlthar lakluh tum tu zingah Leeds United leh AC Milan te an tel niin Sky Sport Italy in a tarlang.

Report in a tarlan danin Leeds United chuan an Brazilian winger Raphinha thlaktu turin an duh. Raphinha hi European club lian zawk te nena sawizawm niin engtik lai pawh a club chhuahsan thei reng ani.

Milan hian club hausa pahnih PSG leh Newcastle United te laka an player lakluh tum Renato Sanches leh Sven Botman te chan mai an inring avangin Belgian rawlthar hma hun eng tak nei Charles De Ketelaere lam an hawi ta a ni.

Belgium international hian Premier League club pahnih Leicester City leh Leeds United ai chuan Serie-A nomawi chawi hlim AC Milan lam a hawi zawk niin media te’n an tarlang.

Kum 21 a upa De Ketelaere hian Club Brugge ah kum 2024 thleng contract a la neih avangin awlsam tak leh tlawm takin a chhuak lovang. A man tur hi euro 30 million vel nia chhut ani bawk.

Club academy graduate hian first team a zawm atangin team innghahna ber pakhat ani a,Club Brugge tan vawi 120 inlan tawh in goal 25 leh assist vawi 20 a nei tawk bawk.

Related Posts

error: Content is protected !!