Tunlai football khawvelah chuan player ten rei tak khelh a, fitness lamah harsatna neih loh hi an inelna ber pakhat a ni tawh. Mahse, tun tumah hi chuan footballer tha football chawlhsan hma legend 5 te kan rawn tarlang ve leh dawn a ni.
5. George Best
George Best hi a generation a player tha tak pakhat a ni, Manchester United tan khelin a hlawhtling thawkhat viau. Kum 1968 ah khan European Cup a chawi pui a, United tan goal 179 lai a khung a ni.
George Best hian a career-ah Ballon d’Or award a dawng ve hman a, mahse, zu in a nun a ti chhia a, football a chawlhsan phah ta a ni. Kum 1974 khan kum 28 chauhva upa niin a vawihnihna atan football a chawlhsan.
Football atanga a rawn kir leh pawh khan a hma a pha tawh lova, a chawlhsan hlen.
4. Just Fontaine
Just Fontaine hian 1958 FIFA World Cup-ah khan goal 13 lai a khung tling a, a hunlai kha chuan a hlauhawm ang reng hle, Ligue 1 match 200 a khelh atang goal 165 lai a khung thei a ni. Hliamin a tlak buak zeuh zeuh avangin kum 28 a upa chauh a nihin football a chawlhsan.
3. Michel Platini
UEFA President hlui Michel Platini hi football khawvela hun a hman ve lai chuan khawvel player tha ber pakhat a ni, Juventus leh France tan a chet that em avangin a career ah Ballon d’Or vawi 3 lai a dawng thei ni.
Kum 32 a upa a nih lai khan Football a chawlhsan thut a, mi tamtakin mak an ti hle. Football kha la khel rih se chuan theihna sang tak ala nei ngei ang.
2. Marco van Basten
Marco van Basten hi football history-ah striker ropui ber anga sawi thin a ni. 1980s leh 90s chho velah khan Ajax leh AC Milan tan match 379 a khelh atangin goal 282 lai a khung thei a ni.
Dutchman hian a career-ah Ballon d’Or vawi 3 lai a dawng ve a, mahse, a keah hliam a neih avangin kum 31 a upa chauh anih laiin football a chawlhsan ta a ni.
1. Eric Cantona
Eric Cantona hian kum 1992 khan Manchester United a pan a, Manchester United in an that pui hle. Premiere League history-a player ropui ber pakhat a ni.
Frenchman hian Old Trafford lamah season 5 chhung hun a hmang a, mahse, a hunlai kha chuan tha ber pakhat a ni. Manchester United chu Premiere League nomawi 4 lai a chawi pui hman.
Kum 30 chauhva upa a nih laiin Cantona chuan football a chawlhsan a, kha tihlai khai khawvel a barakhaih hle.
Source 90 Min