Laporta an Barca player thar te an register theih vek a beisei

Barcelona president Joan Laporta chuan an player lakluh thar te register tura club sum dinhmun a that tawk thu a sawi.

Tun nipui transfer bazar ah Barcelona aia sum hmang tam club an awm lova, player tha tak tak panga Lewandowski, Kounde, Raphinha, Christensen leh Kessie te an lalut tawh. ‘Bernardo Silva lakluh an la tum’ tih ani bawk.

Nikum lamah kan hriat theuh ang in Leo Messi an a hlawh 50% lai tihhniam inhuam mahse Barcelona sum dinhmun chhiatluat vangin Argentine captain an club a chhuahsan a ngai hial anih kha.

Tun kum ah erawh an sum dinhmun siamtha turin Barcelona hotute’n tan an la nasa hle a, Spotify sponsorship na leh an TV rights hralhna atangin sum tha hnem fe an lalut.

”Kan player thar te register turin theihtawp kan chhuah a, registration tura thil pawimawh leh tul zawng zawng kan peih fel diam tawh. Heng bakah tih tur dang a la awm anih pawh in kan ti thuai ang. A endik tu tur te erawh Laliga lama hotute anni a, keini lam chuan kan player thar te hi register theih ngei kan in beisei” tiin Barca president Laporta an player thar te hming ziak lut tura an inrintawk thu a sawi.

Season thar ah Lewandowski chuan season hmasa a Memphis Depay jersey no 9 a ha dawn a, hemi chungchangah hian Laporta chuan Memphis Depay chu an zah loh vang ni lova heng thil hi club thutlukna a nih thu a sawi bawk.

Related Posts

error: Content is protected !!