Vawlei Cung Footballers Lahkhah Tam Bik Pathumnak Asi Men Lai?

Reports cheu khat nih an langhter ning ah Real Madrid lei nih Kylian Mbappe cu an cawk cang tiah an chim. Nain, Paris Saint-Germain lei nih cun an superstar Mbappe cu vawlei cung footballers lahkhah tam bik si ter ding in timhtuahnak an ngei, mah hi an tuah khawh asiah cun Vawlei cung lahkhah tam bik pahnihnak asimi Cristiano Ronaldo a tlukpi deng lai.

Mbappe nih cun a ngakchiat lio in Real Madrid tanhtu (fans) asinak kong a rak chim cang, january thla ah khan cun Real Madrid lei ah aa tthial cang ko lai hi tiah mi tampi nih an ruah.

Advertisement

Catalunya Radio nih an langhter ning ah cun Kylian Mbappe nih PSG a chuahtak taktak asiah cun, Real Madrid lei ah aa tthial lai tiah an langhter.

This image has an empty alt attribute; its file name is mbappe-3.jpg

2021 kum ah Real Madrid nih Kylian Mbappe an cawk lai i, mah an cawk tik ah cun Mbappe nih hin PSG lei ah contract kum khat a ngei rih lai tiah AS nih an langhter ve.

Spanish club ngan Real Madrid lei nih hin Kylian Mbappe man ding ah €100 million bak an sian i, a lahkhah zong tukum chung i a hlawh nakin a let 2 bak tam in pek an timh tiah an chim.

Advertisement

Mah lio ah PSG lei zong nih an player biapi taktak mi Mbappe cu chuahter an sian ve lo, atu i a lahkhah nak tam pek an i timh ve.

PSG lei nih contract thar pek tthan an duh, Contract thar an pek khawh asiah cun Mbappe nih hin season khat ah €50 million bak a hlawh cang lai. Mah hi an tuah khawh taktak asiah cun Juventus superstar Cristiano Ronaldo lahkhah a tluk pi deng i vawlei cung lahkhah tam bik pathumnak asilai.

Advertisement
Advertisement

Next Post

London Khawpuia 'CHINATOWN' Lun Thin Em Em Pawh Tunah Chuan A Reh Ruih Tawh Mai (IN PICTURE)

Fri Feb 14 , 2020
Chinatown hi London Khawpuia awm a ni a, Coronavirus rawn chhuah hma deuh kha chuan a lun theiin mi pawh […]