Kylian Mbappe’an Free Transfer-a PSG a chhuahsan a nih chun, Real Madrid lama a hlawh tur puan a ni – Reports

Real Madrid chuan Paris Saint-Germain (PSG) star Kylian Mbappe la turin inremna annei tawh a. BILD Sport in a report dan chuan club pahnih te hian a hmawr an bawk tan tawh niin a tarlang. Los Blancos lam hian Frenchman hi offer tha tak hmangin contract pek an tum a, PSG lama a hlawh let a hlawh dawn niin an tarlang bawk.

Kylian Mbappe’an Real Madrid a zawm a nih chuan kum khatah £41.5 million a hlawh thei dawn a, kar khatah £800,000 lai mai a hlawh dawn tihna a nih chu. Paris Saint-Germain lama a hlawh chu kum khatah £22 million a ni.

Kum 23 a upa Kylian Mbappe’an Ligue 1 lama contract a neih mek hi kumin June thla khian a zo ve dawn a, Spanish club lian Real Madrid hi free transfer in a zawm thei dawn a ni.

January transfer-ah hian chhuak tur anga sawi ni mahse, a chhuah hmel lova. Season a hman zawh tur thu PSG lam a hrilh niin an sawi.

Mahse, Real Madrid nena sawi zawm a nihna chu a tawp tak tak thei lova. Hetihlai hian Kylian Mbappe pawhin contract thar sign belh a tum lem lo. Summer transfer-ah erawh a chhuah ngei a rinawm.

PSG chairman Nasser Al Khelaifi chuan Kylian Mbappe hi contract thar pek belh a duh viau niin an tarlang a, mahse, Mbappe’an a khelh duhna ber Real Madrid a pan ngei dawn niin a lang.

Kum 2017 khan Mbappe hian PSG a zawm a, kum 2018 ah €180 million plus add ons in an la lut ni. Football history-a teenager man to ber a ni nghe nghe.

Ligue 1 club lian PSG tan match 199 lai a khelh tawh atang goal 151 khung tawhin, assist vawi 77 a nei tling bawk. Titles 10 lai chawi pui tawhin, Ligue 1 medals vawi 3 a tel bawk.

Source SL

Related Posts

error: Content is protected !!