Season thara Kylian Mbappe awm dan tur ala chiang thei tak tak lova, mahse, PSG leh Lionel Messi sawi zawm annih hnuah Kylian Mbappe awm dan tur pawh a chiang ve zel niin a lang.
French striker Mbappe hian Paris Saint-German lamah hian kum khat daih contract chiah a nei tawh a, a contract a pawtsei dawn tih thawm hriat tur a la tam lo hle.
FC Barcelona star Lioneel Messi tun season chu French khawpui lamah insawm tum angin an sawi a, Marca in an tarlan dan chuan Paris Saint-Germain player te balance tur chuan pakhat tal an chhuah a ngai niin an tarlang.
Tun season-ah Lionel Messi’an PSG zawm mahse, Kylian Mbappe chuan contract thar pawhsei a tum tawh lo hrim hrim a, mahse, tun transfer window-ah erawh chhuah a tum lo niin report thenkhatten an tarlang.
Marca in an tarlan leh dan chuan 2018 FIFA World Cup winner Kylian Mbappe hian Los Blancos lama insawn a duh a, mahse, kuminah a insawn theilo a nih pawhin, nakum lamah free transfer a a chhuah theih huna a pan mai dawn a ni tiin an tarlang.
Hetihlai hian French club lian PSG lam chuan Financial Fair Play Rules dan an bawhchhiat loh nan leh kum 2022 a Mbappe sum lova an chan mai ai chuan Pound maktaduai 150 vela an hralh chhuah kha tha zawk dawn a ni.
Mbappe duhtu zingah hian Los Blancos lam an langsar hle a, PSG lamin Messi an sign thei a nih chuan Mbappe chungchang pawh hi an ngahtuah vat a rinawm.
Source SL