Manchester City full back Kyle Walker chuan kumin nipui bazarah hian Etihad Stadium chhuahsana Bundelisga champion Bayern Munich zawm a duh.
Sky Sports Germany tarlan danin Walker hian City boss Pep Guardiola chu a hma hun tur chungchangah inbiakna a neihpui tawh a, English defender hian City chhuahsan a duh thu Spanish coach hi a hrilh.
Kar engemaw zah chhung chu Walker transfer thawm ri va kan hre tawh a, amaherawhchu Spurs right back hlui hma hun zel tur hi tun thlengin hriat a la nilo. Kum 33 a upa defender hi Bayern Munich boss Thomas Tuchel chuan thla hmasa khan Bundesliga lam pan turin a lo hmin diam tawh nia sawi a ni a, City lam erawh in an defender hi contract thar ziahpui an tum thung.
Walker chungchangah Bayern leh City te’n eng inremna pawh an la nei lova, chutihrualin German club hian official bid an rawn chhawp chhuah thuai a rinawm.
Report tarlan danin kar hmasa khan Walker leh Bayern te’n contract chungchangah a thuphungin inremna an nei fel a, English defender hian Allianz Arena ah June 2025 thleng daih tur contract a ziak dawn a, a contract hi thla 12 dang pawhsei theih tura duan a ni bawk ang.
Pep Guardiola game system danglam hret avangin Walker hian season hmasa khan bench a luahlum fova, full back dang Cancelo pawhin a inkhelh tam theihna tur nia a hriat Bayern Munich a zawm ve bawk anih kha.
UCL semifinal a Real Madrid laka khel tha tak Walker hian final match ah inkhelh bul a tan loh avangin Pep Guardiola lakah a lungni lo hle a, hei hi a chhuah duh chhan pakhat nia sawi a ni. Tin, kum 33 a upa defender hian City tana trophy a chawi theih tur zawng zawng a chawi kim tawh a, chona thar hmachhawna league danga kal a duh tawh bawk niin a lang.
Cityzens hian kum 6 chhung an right back rinrawl lo ni tawh Walker hi an chân anih chuan a thlâktu turin Bayern Munich right back Benjamin Pavard leh Paris Saint Germain right back Achraf Hakimi te lâkluh an tum ang.
