Kumkhat liamta chhunga footballer hlawh hnem zualte an puan ga, African superstar chiah Kylian Mbappe, Cristiano Ronaldo leh Lionel Messi te angin a hlawh a tam ve a ni.
Kan hriat angin Covid 19 hrileng avangin khawvel pumpuiah economics a tla hniam chak hle a, mahse, he hrileng hian football khawvela player tha thenkhatte hlawh leh sponsorship deal an neihah te nghawng a nei vaklo niin a lang.
Kan hnung lawkah khan khawvel infiammi hlawh hnem zual 100 te an puang a, Sportico chuan footballer hlawh le sponsorship atanga an hmuh zat te an tarlang.
Liverpool Egyptian forward Mohamed Salah hian $36.1 million a hlawh a, player hlawh tam top 10 zingah a tel a ni.
Barcelona midfielder hlui leh Captain hlui ni bawk Andres Iniesta pawh top 10 ah hian mak deuh maiin a lang ve hlawh. Salah aiin a hlawh hnem zawk a ni.
Kum 37 a upa Japan club Vissel Kobe in calendar year khatah $39 million lai an pe niin an sawi a, kum 2018 khan a zawm a ni.
Manchester United star Paul Pogba pawh hi top 10 ah a lang ve bawk.
A hnuaiah hian kum liamtaa footballer hlawh hnem zual top 10 te kan rawn tarlang ve e.
10. Eden Hazard (Real Madrid) – $34.4 million
9. Paul Pogba (Manchester United) – $36.1 million
8. Mohamed Salah (Liverpool) – $36.1 million
7. Andres Iniesta (Vissel Kobe) – $39 million
6. Kylian Mbappe (Paris Saint-Germain) – $40.1 million
5. Antoine Griezmann (Barcelona) – $40.6 million
4. Gareth Bale (Real Madrid) – $41.9 million
3. Neymar (Paris Saint-Germain) – $100 million
2. Cristiano Ronaldo (Juventus) – $120 million
1. Lionel Messi (Barcelona) – $126 million
Source SL