Kum 39 Anih Thlenga Khel Tur Cristiano Ronaldo?

Juventus superstar Cristiano Ronaldo chu a career-ah a hun hnuhnung lam a hmang tawh mahse, kum 39 a nih thleng football khawvelah kan hmu maithei a ni.

Kan hriat angin thla hmasa khan Cristiano Ronaldo chuan kum 35 a tlinna birthday a lawm anih kha, mahse, kum 35 a tling tawh na chungin, a che tha zual deuh deuh niin a lang. Portugal international C Ronaldo hian tunhnai lawk khan Serie A match 11 chhung a zawnin goal a khung vek a, Serie A record dinglai chu a nih rual pui a ni.

Advertisement
Juventus superstar Cristiano Ronaldo

Manchester United leh Real Madrid player hlui Cristiano Ronaldo chu Juventus lamah a chet that em avangin Juventus chuan kum 2 dang contract offer an tum niin England reports in a tarlang. Tunah hian C Ronaldo hian Juventus-ah kar khat chhungin £500 000 vel a hlawh anga chhut a ni.

Tuna Juventus lama contract a neih mek hi kum 2022 thleng a ni a, Daily Mail lamin an tarlan dan chuan Ballon d’Or vawi 5 lai lo dawng tawhtu Cristiano Ronaldo chu kum 2 dang contract pek belh an tum niin an tarlang. Hei hi a hlawhtling thei a nih chuan kum 39 a nih thleng football khawvelah kan hmu thei dawn tihna a ni.

Advertisement

Serie A Champions hian an squad thuam thar an tum hle niin a lang, C Ronaldo contract pawhsei sak an tum mai bakah Tottenham Hotspur captain Harry Kane chu an target ber a ni mek bawk.

Tottenham Hotspur captain Harry Kane hi Serie A Champions Juventus laminn an la thei a nih chuan Cristiano Ronaldo nen an khel dun dawn tihna a ni a, an tha ngawt ang.

Season hmasa tir lam khan Juventus chuan Sporting Lisbon graduate C Ronaldo hi Los Blancos lam atangin €100 million lai maiin an la lut a, Juventus lama a insawn hnuin all competions-ah matchs 75 khel tawhin goals 53 lai a khung tling hman tawh a ni.

Advertisement

Cristiano Ronaldo fans te tan chuan a lawmawm dawn hle mai.

Advertisement

Next Post

Europe Squad Hlu Zual Top 10 Te

Tue Mar 17 , 2020
Manchester United chu Europe squad hlu zual (The most Value Squad in Europe) top 5 atang an chhuak a. Mahse […]