Kum 30 hnuah San Marino chuan a vawikhatna atan clean sheet an nei ve ta

Mizo Football

Nizanah khan San Marino leh Liechtenstein te chu Rheinpark Stadio, Vaduz-ah an inkhel a, 0-0 in an indraw. Hei hi San Marino tan chuan history ropui tak pakhat a tling. Kum 30 hnuah clean sheet an neih vawikhatna a ni.

Hei mai a ni lo, kum 6 chhunga an point hmuh vawikhatna a ni nghe nghe. International football rank hniam ber pakhat an ni a, a zawna games 40 an tlawm hnuah Liechtenstein nen an indraw hram a ni. Hei pawh hi an tan chuan a ropui tak zet.

San Marino hi FIFA Rankings-ah ranking hniam ber an ni a, tunah hian 210 na dinhmun an hauh mek. An tum pui hi FIFA Rankings-ah 180 na an ni ve bawk.

San Marino in record an neih dan chu hetiang hian, matchs 167 an khelh atangin vawi khat hnehna an chang a, vawi 4 an draw a, vawi 162 lai mai an tlawm tawh a ni.

An tan chuan draw ringawt pawh history thar a tling. Football a sang zel turin duhsakna kan hlan e.

Source Sportbible

Please follow and like us: