Transfer market-a player hlut dan hi kawng hrang hranga chhut thin a ni. Player kum, contract neih rei zawng, an chet dan te atanga lak thin a ni. Hei mai bakah an tehna pakhat dang leh chu goal, assist leh an position khelhnaa an hlut dan atang tein an teh thin bawk.
Player upa lam te erawh transfer market-ah an hlutna a tla hniam duai thin a. A bik takin kum 30 ral kai tawh te hi an hlutna a tla hniam ve deuh thin. Mahse, kum 30 chunglam zingah pawh hian player che tha chhunzawm tak tka an la awm nuk.
Tun tumah hian kum 38 chunglam player hlu zual top 5 te kan rawn tarlang ve leh dawn a ni.
5 Andres Iniesta (Vissel Kobe) – €1.2 million
Andres Iniesta hi midfielder ropui ber pakhat a ni. Kum 2008 leh 2012 inkar khan Spain tan player pawimawh tak pakhat a ni. Spain chu 2010 FIFA World Cup nomawi a chawi pui mai bakah 2008 leh 2012 Euro nomawi a chawi pui.
Tunah hian Iniesta hi kum 38 a upa a ni tawh a, Japanese club Vissel Kobe tan khel mekin a hlut zawng hi €1.2 million a ni.
4 Joaquin (Real Betis) – €1.5 million
Joaquin hi kum 41 a upa a ni tawh a, Real Betis captain a ni mek. Real Betis lama contract a neih hi tun summer transfer lo awm turah a zo ve ang. Tun season khelh mekah Real Betis tan all competion ah match 13 inlan in goal 1 a khung mai bakah assist vawi 1 a nei bawk. Tun dihmuna a hlut zawng hi €1.5 million a ni.
3 Zlatan Ibrahimovic (AC Milan) – €2 million
Tun season khelh mekah Zlatan Ibrahimovic hi ala khel lova. 2022 May thla khan a khup zai a ni. Kum 40-a upa anih khan AC Milan chu Serie A nomawi a chawi pui anih kha. Tunah hian kum 41 a upa a ni tawh a, a hlut zawng hi €2 million lai ala tling.
2 Thiago Silva (Chelsea) – €2.5 million
Kum 2020 khan Chelsea chuan PSG atangin THiago Silva hi free transfer in an la lut a, kha tih lai khan kum 30 ral a kai tawh. Mahse, Chelsea chu UEFA Champions League nomawi a chawi pui anih kha.
Kum 38 laia upa ni tawh mahse, Chelsea player pawimawh tak pakhat a ni a, regular starter ala ni thei. Tun season khelh mekah Chelsea tan all competion ah match 24 inlan ve a, assist vawi 2 a nei bawk.
Tun dinhmuna Thiago Silva hlut zawng hi €2.5 million a ni.
1 Cristiano Ronaldo (Al Nassr) – €20 million
Khawvel player ropui ber pakhat anga sawi Cristiano Ronaldo hi tunah hian kum 38 laia upa a ni tawh a, Saudi ARabia club Al Nassr tan khel mekin a hlut zawng hi €20 million lai ala tling rih a ni.
Source SK