Kum 2022 a PSG star Neymar hlawh leh Neih Hlut zawng

Paris Saint-Germain ace Neymar hi khawvel player tha ber pakhat ang sawi a ni thin.

Kum 2013 khan Europe lamah rawn lutin FC Barcelona tan a khel a, a hawikir lo chiang hle. Hma rawn sawn chho zelin, goal thahnem tak a khung a, ball a thiamin field chhungah en hlawh ber pakhat a ni.

Santos atanga bul rawn tan chhovin, tun dinhmun hi thleng thei a ni. Vawiin niah chuan khawvel player hausa ber pakhat a rawn ni ta a ni.

Celebrity Net Worth in a tarlan dan chuan kum 2022 a kum 28 a upa Neymar neih hlut zawng chu $200 million niin an tarlang. A hlawh a that mai bakah sponsporship atang a la lut hnem hle.

Kum 2013 khan FC Barcelona chuan Santos atang Neymar hi €86.2 million in an la lut a, kum 4 hnuah Paris Saint-Germain chuan Barca atang Neymar hi khawvel player man to ber ni turin €222 million lai maiin an la lut ve leh a ni.

Catalan club lian Barca lamah kum 4 lai mai hun a hman chhung khan trophy thahnem tak a chawi pui hman a, match 186 a inlan atang goal 105 a khung maibakah assist vawi 76 lai a nei tling. Trophy 8 lai chawi puiin, kum 2015 khan European treble anni bawk.

Neymar hi Footballer hlawh hnem lamah pathumna dinhmun hauhtu a ni

Celebrity Net Worth in a report dan chuan kum 2022 a Neymar hlawh estimate total chu $78 million niin an tarlang a, Cristiano Roanldo leh Lionel Messi tih lovah chuan hlawh hnem ber a ni.

Hei mai a ni lov, Neymar’an PSG chu Champions League trophy a chawi pui theih chuan bonus thahnem tak a dawng thei dawn niin an sawi.

The Brazilian among the highest paid football stars in the world

Source SL

Related Posts

error: Content is protected !!