Tun season Premiere League khelh mekah Manchester United player tha thenkhatte che tha vak lo mahse, kum 2022 a Premiere League player hlawh hnem zual top 10 zingah an player 5 lai mai an lang thei a ni.
English Premiere League club te hi an hauhsa hlawm hle a, a bik takin Manchester United, Manchester City, Chelsea leh tun hnai lawka hausa thar Newcastle United te hi an hausa zual hle.
Heng club hausa te hian Premiere League player hlawh hnem zualte an kawl a, hetah hian Chelsea star Romelu Lukaku pawh a tel, ani hian kar khatah £325 000 a hlawh a, mahse, Premiere League player hlawh hnem zual top 10 zingah parukna dinhmun chauh a hauh pha a ni.
Belgium international hian summer transfer lai khan Inter Milan atang England lam a pan leh a, Serie A lamah season 2 duhawm taka a hman hnuin a kir a ni.
Tun season khelh mekah Red Devils lam hi che tha vak lo mahse, Premiere League player hlawh hnem top 10 ah an player 5 lai mai an lang a, Paul Pogba, Raphael Varane, Jadon Sancho, David de Gea leh Cristiano Ronaldo te hi an lang a ni.
Heng United player zingah hian French midfielder Paul Pogba chiahin kar khatah £300 000 ai tlem a hlawh a, midang pali te erawhin f £340 000 atanga chung lam vek kar khatah an hlawh thung a ni.
Engpawhnise, a hnuiaah hian kumin 2022 a Premiere League player hlawh hnem zual top 10 te kan rawn tarlang ve leh e:
10. Paul Pogba (Manchester United) – £290 000 a week
9. N’Golo Kante (Chelsea) – £290 000 a week
8. Raheem Sterling (Manchester City) – £300 000 a week
7. Jack Grealish (Manchester City) – £300 000 a week
6. Romelu Lukaku (Chelsea) – £325 000 a week
5. Raphael Varane (Manchester United) – £340 000 a week
4. Jadon Sancho (Manchester United) – £350 000 a week
3. David de Gea (Manchester United) – £375 000 a week
2. Kevin De Bruyne (Manchester City) – £400 000 a week
1. Cristiano Ronaldo (Manchester United) – £510 000 a week
Source SL