Tunah hian Summer Transfer pawh ala kal tluang zel a, club thenkhatte chuan an squad thuam that nan player thar an lak luh mai bakah an player tha khatte pawh an hralh chhuak tawh a ni.
Engpawhnise, tun tumah hian kum 2022 a contract hmang zo tur Player 5 te kan rawn tarlang ve leh dawn a ni.
5 Pedri (Barcelona)
2020/21 season-ah khan Pedri hi a che tha hle a, tunah phei chuan khawvelin a hre tawh a ni. Club tan a chet that mai piah lamah Spain tan Euro 2020 pawh kha a che tha hle.
Summer transfer lo awm leh turah khian FC Barcelona lama contract a neih chu a hmang zo ve dawn a ni. Mahse, Pedri hi Barca lamin contract an pawhsei sak ngei a rinawm.
4 Paul Pogba
Manchester United lama Paul Pogba hmalam hun tur chungchang hi hman atang tawh khan sawi a tam hle. Paris Saint-Germain leh Real Madrid chu amah lak tum zingah an langsar hle.
Manchester United lam hian Frenchman hi Old Trafford lama la awm rih turin an duh ngei a rinawm, mahse, an player chungchangah eng statement mah an la chhuah rih lo a ni. Kumin chiah contract a nei tawh a, nakum summer transfer-ah chuan a contract neih hi a zo ve ang.
3 Paulo Dybala (Juventus)
Juventus top player Paulo Dybala’an contract a neih chu kum 2022 summer transfer-ah hian a zo ve ang, tun thlengin Juventus-ah contract thar chungchang ala lang lo.
Juventus lam hian kum 27 a upa Dybala hi la awm tir rih an duh a, summer transfer window inhawn hmain contract thar an sign pui thei ang em? A ruala Ronaldo leh Dybala han chan mai chu an duh a rinawm lo.
2 Cristiano Ronaldo (Juventus)
Juventus lama Cristiano Ronaldo hmalam hun tur chungchang pawh sawi a tam hle, a bik takin tun summer atang hian sawi a tam zual a, an sawi danah C Ronaldo hian Juventus chhuahsan a duh deuh niin an sawi. Hetihlai hian club lam pawhin an player hlawh tam lutuk tih hniam nan hralh chhuah chu an duh ve bawk niin an sawi a ni.
Kum 36 a upa C Ronaldo’an Juventus lama contract a neih hi nakum 2022 summer transfer khian a zo ve dawn a, a hmalam hun tur chungchangah hian a nu thutlukna a pawimawh khawp ang le, tun summer-ah chuan hralh chhuah an tum lo niin a lang.
1. Kylian Mbappe (PSG)
Khawvel rawlthar tha ber pakhat anga an sawi Kylian Mbappe hi Real Madrid lama insawn tur angin thuthang a tam hle. PSG lama contract a neih hi summer transfer 2022 thleng chiah ani tawh a, a chhuak dawn nge, contract thar an pek belh dawn tih erawh ala chiang thei rih lo.
Source 90Min