Kan hriat angin kum 2021 kum tawp lam kan thleng leh ta reng mai, Europe league lian te pawh khelh chhunzawm zel a ni a, club hrang hrang ten season tawpah trophies chawi ngei an tum ruh hle. Hetihlai hian player thenkhatte te chu assist neih tam lamah an che tha hle a, tun tumah hian kum 2021 chhunga all compettion atang assist nei hnem zual player 5 te kan rawn tarlang ve leh dawn a ni.
5. Kylian Mbappe – Games 49 a khelh atangin assist vawi 17 a nei
Kylian Mbappe hi mi tamtakin Ballon d’Or dawng tura an rin ber pakhat leh future ballon d’Or winner tur niin an ngai. Mbappe hi club leh ram tan a che tha hle a, hei mai piah lamah a teammate ten goal an khung theihnaah pawh a thawhhlawk hle.
Paris Saint-Germain in Champions League nomawi an beisein ti hlawhtlingtu tura an rin ber pakhat a ni. Kum 2021 chhungin all competion-ah match 49 inlan theiin assist vawi 17 lai a nei tling.
4. Leroy Sane – Games 50 a khelh atangin assist vawi 19 a nei tling
Leroy Sane hi Manchester City lamah khan a che tha ang reng a, mahse, Bayern Munich lamah erawh insiam thatnan hun a duh deuh hlek. Mahse, rei vak lovah a pawimawhna a rawn pholang a, Bayern Munich player che tha tak pakhat a ni.
Kum 25 a upa Leroy Sane hian kumin 2021 hian game 50 a khelh atangin assist vawi 19 lai a nei tling. Bayern Munich in Champions League nomawi an chawi theih dawn chuan a chet that chhunzawm zel a ngai.
3. Marco Reus – Games 45 a khelh atangin assist vawi 19 a nei tling.
Marco Reus hi Germany footballer talent nei tha tak anga sawi mek a ni. Borussia Dortmund icon a ni a, mahse, a vanduai ve hle, a career-ah hian vawi tamtak hliamin a tlak buak ve a ni.
Kum 32 a upa hi a khelhna club tan a che tha chhunzawm zel a, games 45 a khelh atangin assist vawi 19 lai a nei tling mek.
2. Filip Kostic – Games 34 a khelh atang assist vawi 21 a nei
Filip Kostic hi player lar tak tia han sawi tur a ni lova, mahse, kum 29 a up hi kumina Bundesliga player che tha tak pakhat a ni. Games 34 a khelh atang assist vawi 21 a nei tling.
1. Thomas Muller – Games 46 atangin assist 27 a nei tling
Thomas Muller hi upa tawh mahse, season 2, 3 liamta vel atang tawh khan a rawn che tha chho viau, midfielder/playmaker angin a khel thin a, kumin hian assist vawi 27 lai mai a nei tling hman a ni.
Source SL