Manchester United forward Cristiano Ronaldo chu September thla Premiere League Player of the Month atan thlan a ni. Kan hriat angin C Ronaldo hi tun summer transfer lai khan English Football-ah a let leh a nih kha.
C Ronaldo hian Mohamed Salah, Allan Saint-Maximin, Antonio Rudiger, Joao Cancelo leh Ismaila Sarr te chu September award-ah a hneh a ni.
August thla transfer deadline day zawh hma lawk khan Ronaldo hi United-ah a lut fel a, September international break neih hnua Newcastle 4-1 laia an hneh tum khan a vawi hnihna atan United game hmasa ber a khel leh thi a ni.
Kum 36 a upa hian first half hun tawp dawn tep ah, a goal khatna a khung a, second half ah goal hnihna a khung leh nghal. Kar khat hnuah West Ham hmachhawn lehin goal a khung leh bawk a ni.
Cristiano Ronaldo hian a career-ah Premiere League player of the Month vawi 5 a dawng tawh a. Manchester United lama hun a hman hmasak zawk naah khan vawi 4 alo dawng tawh a ni. A zawna Premiere League Player of the Month vawi 2 dawng thei player 8 zingah a tel ve. Kum 2006 November thla leh December thla khan he award hi a zawnin alo dawng ve a ni.
Player of the Month award a dawnna hnuhnung ber chu kum 2008 March thla khan a ni. A karah kum 13 lai mai a liam hman tihna a nih chu.
He Vote an lak dan chu, public poll, experts leh Premiere League captain te thlan a ni e.
Source SL