Premiere League hi khawvel league hrang hrang laka league hmuhnawm tak pakhat ani mek a. Premiere League-ah hian world class forward tha tak tak tamtak an lo khel tawh thin a, hetihlai hian goalkeeper tha tak tak pawh an khel nual tawh bawk.
Goalkeeper te hi game-ah an pawimawh ve hle a, fans te pawhin goalkeeper dive lai te, goal an dan lai te hmuh nuam an ti thei em em a ni.
Premiere League-ah hian world class goalkeeper tamtak an lo khel tawh thin
Kum tamtak chhung chu Premiere League club-ah goalkeeper tha tak tak an lo khel nual tawh a, thenkhat te phei chu vawiin ni thlenga khel te pawh an la awm, thenkhatte erawh chuan football an chawlhsan a, league danga insawn tawh te pawh an awm nuk.
Engpawhnise, tun tumah kum 10 liamta chhunga Premiere League goalkeeper cleansheet nei tam zual top 5 te kan rawn tarlang ve leh dawn a ni.
5 Ederson: Manchester City – 75 clean sheets
Edeson hi Premiere League lamah Manchester City tan season 4 lai mai hun a hmang tawh a, Premiere League bikah clean sheet vawi 75 lai a nei tling tawh a ni. Hei mai bakah Champions League clean sheet vawi 17 lai a nei tling tawh bawk.
4 Petr Cech: Chelsea and Arsenal – 95 clean sheets
Kum 2004 vel atang khan Chelsea goalkeeper pawimawh tak a ni. Thibout Courtoise’an a dinhmun a luah hnu kum 2015 khan Arsenal lamah inawn lehin football a chawlhsan thlengin hun a hmang.
Chelsea leh Arsenal tana a khelh chhung khan Premiere League bikah Clean Sheet vawi 95 lai a nei tling.
3 Joe Hart: Manchester City-West Ham-Burnley – 98 clean sheets
Joe Hart hi Manchester City, West Ham leh Burnley tan goal alo veng thin tawh a, hemi chhung hian Premiere League cleansheet vawi 98 a nei tling.
A hunlai kha chuan a tha ve khawp mai.
2 Hugo Lloris: Tottenham – 108 clean sheets
Tottenham goalkeeper Hugo Lloris hi Tottenham tan chauh ala khel a, a khelh chhung hian Premiere League clean sheet vawi 108 lai mai a nei tling a ni.
1 David De Gea: Manchester United – 124 clean sheets
Kum 2011 atang khan Manchester United a zawm a, Kum 10 liamta chhunga Premiere League clean sheet nei tam ber a ni. Clean sheet vawi 124 lai a nei tling.
Sir Alex Ferguson’an Atletico Madrid atanga a lak luh a ni.
Source SK