Kum 10 liamta chhunga Manchester United in an player hralh chhuahna atanga hlawkna an tel zingah tunhnaia chhuak ta Daniel James pawh a tel ve a ni.
Tun summer transfer deadline day ah Wales international Daniel James chu Leeds United in £25 million lai maiin an la lut a, Old Trafford-ah kum 2 a awm ve hman a, club tan all competition ah match 74 lai maiah a inlan ve hman a ni.
Kum 23 a upa Daniel James hian kum 2019 summer transfer window inhawn lai khan Championship club Swansea atangin Man United hi a zawm a, kha tihlaia United lak luhna man chu £15 million a ni. A awmzia takah chuan Daniel James atang hian hlawkna an tel nasa hle a ni.
Mak deuh mai chu Premiere League club Manchester United hian kum 10 liamta chhung khan an player hralh 4 atang chauhvin hlawkna an tel a ni.
2014 leh 2016 inkar khan Alexander Buttner chuan United tan match 28 chiah a inlan a, heti chung chian Dinam Moscow chuan £1.8 million in an la lut a, hei hi hlep hlang a ni.
Dutch defender hi Old trafford a awm chhung khan first team ah a regular mawh hle.
Javier ‘Chicharito’ Hernandez atang pawh hian United in hlawkna tlem an hmu ve bawk.
Manchester United-ah hian kum 5 chhung teh meuh mai hun a hmang ve hman a, match 157 a inlan atang goal 59 a khung a ni. Kum 2015 khan Bundesliga club Bayer Leverkusen lamah a lut ta a ni.
Manchester United in Guadalajara atangin £6.5 million in an la lut a, £7.3 million in an hralh chhuak a ni.
Man United hian Daley Blind atangin hlawkna tlem an hmu, defensive midfielder niin Louis van Gaal chuan Old Trafford lamah a la lut a, ani hi kum 2014 FIFA World Cup-ah khan Netherlands tan a che tha tak zet.
Manchester United lamin Ajax atang £16 million in an la lut a, Season 4 lai mai Old Trafford lamah hun a hman chhungin Europa League leh FA Cup nomawi a chawi ve ve. Eredivise Champions in an la let leh a, an lak let lehna man chu £18 million a ni tawh.
Blind hi Manchester United lama hun a hman chhung khan che tha vak lovin, first team-ah te awm lo mahse, Ajax lama a kir leh hnuin a che tha hle, mi tamtak mak tih a tling hial.
Kum 2010 khan Manchester United chuan Fulham atangin Chris Smalling hi £7 million in an la lut a, Manchester United lama hun a hman chhung hian trophy 9 lai a chawi hman.
Premiere League titles 2, FA Cup leh Europa League nomawi vawi 1 ve ve a chawi tel bawk a ni. 2019/20 season chhung kha Roma tan loan in a khel a, tunah chuan a nghetin an la lut tawh.
United hian £13.6 million lai maiin an hralh chhuak a ni.
SOurce SL