Kopa Trophy-a Messi’an a vote player 3 te puan a ni

Lionel Messi’an Kopa Trophy award dawngtu tur a vote player pathumte an puang niin report in a tarlang.

Kan hriat angin Ballon d’Or ceremony chu Thawhtan zan khan Paris khawpuiah neih a ni a, Lionel Messi chuan a vawisarihna atan Ballon d’Or a dawng a, Pedri’an Kopa Trophy award a dawng ve bawk.

Kopa Trophy hi calendar year-a player naupang che tha zual hnenah hlan a ni thin a, hei hi kum 2018 atang khan sem tan a ni. Kopa Trophy award dawng hmasa bertu chu Joao Felix niin kum 2020 khan Kylian Mbappe’an a dawng ve bawk.

Pedri hi FC Barcelona leh Spain tan a che tha hle a, Kopa Trophy dawng tura lang zingah vote hmusang ber a ni. Pahnihnaah Borussia Dortmund star Jude Bellingham awmin, pathumnaah Bayern Munich star Jamal Musiala a awm ve bawk.

SportĀ in an tarlan dan chuan Lionel Messi hi Argentine captain a nih vangin vote a nei ve a, FC barcelona lama a teammate hlui chu pakhatna ni turin a vote, pahnihnaah Paris Saint-Germain lamah a teammate ni mek Nuno Mendes chu thlangin pathumnaah Jude Bellingham a thlang bawk.

A hnuaia kan rawn tarlan tak te hi KOPA TROPHY-a Lionel Messi vote dan indawt a ni e.

1. Pedri

2. Nuno Mendes

3. Jude Bellingham

Source Sl

Related Posts

error: Content is protected !!