Kopa Trophy hi Calendar Year-a player kum 21 hnuai lampang che tha hnenah hlan thin a ni. Kopa Trophy dawng hmasa bertu chu Kylian Mbappe a ni a, kum 2018 khan a dawng. Juventus centre-back Matthijs de Ligt chuan kum 2019 khan a dawng ve bawk. Kuminah erawh Barcelona rawlthar Pedri’an a dawng a ni.
Cristiano Ronaldo hian a team lam a duhsak deuh niin a lang, Manchester United rawlthar Mason Greenwood chu a hmasa berah a thlang a, pahnihnaah Paris Saint-Germain full back Nuno Mendes a thlang a, pathumnaah Borussia Dortmund star Giovanni Reyna a thlang ve bawk.
Cristiano Ronaldo’an a thlan tak Mason Greenwood hi kum 20 a upa chauh ala ni a, a tha ang reng hle, Buyako Saka leh Phil Foden te nen England rising star anni.
Season hmasa khan Manchester United tan Greenwood hian match 52 a inlan atang goal 12 a khung mai bakah assist vawi 6 a nei tling bawk. Tun season khelh mekah pawh a che tha ang reng a, Premiere League goal 4 a khung der tawh.
Cristiano Ronaldo’an Kopa Trophy award dawngtu tura a vote player 3 te.
Mason Greenwood (Manchester United)
Nuno Mendes (Paris Saint-Germain)
Giovanni Reyna (Borussia Dortmund)
Source SL