Manchester City manager Pep Guardiola chuan Manchester City defender hlui tuna Burnley manager ni mek Vincent Kompany chu engtik ni ah emaw City manager a la nh ngei a ring.
Kompany hian Etihad Stadium ah kum 11 chhung meuh hun a hmang a, Cityzens chu Premeir League nomawi 4 ngawt mai chawipuiin club legend a ni.
City centre back hlui hian tun seasoh atang khan season hmasa a EPL atanga EFL Championship lam tla thla Burnley a enkawl a, a team chu table chung ber luahpuiin pathumna a awm Middlesbrough chu point 19 laiin an chungtlak mek. Game an khelh leh tura an che chhe ta duai te anih loh chuan Burnley hian season tharah Premier League an khel ngei ang le.
Burnley leh Manchester City te chu FA Cup quarter final ah an inhmachhawn dawn a, Burnley manager Vincent Kompany pawhin manager anga a team hlui City a hmachhawn tur chu a phur hle.
City head coach Pep Guardiola chuan FA Cup quarter final a an hmachhawn tur Burnley manager Vincent Kompany a fak hle a, a chungchangah hetiang hian thu a thlah,” A team enkawl an tha mar pat reng hian ka mak ti a hlawh a, a chhan chu Championship ah hian game khelh tur a tam in league hi a harsa takzet. Season tharah Premier League a kaichho an hnaih tawh hle a, mimal takin a hlawhtlinna hi ka lawmpui hle. Burnley-a a thil tih mek hi, kan vai in, fans te nen lam a lo kir leh hi kan lawm ka ring.”
”Tun hnaiah emaw nakinah he club tana a lo kir leh hi ka beisei a, Manchester City manager ni tura ruatlawk diam tawh a niin ka hria. Engtik hunah nge anih dawn ka hre lova, mahse a thleng ngei ang. Chu chu ka chiang thawkhat viau bawk” a ti.
Manchester City leh Burnley te hi tun thla March ni 18 zan dar 8:30 ah FA Cup quarter final match an khel dawn a, team pahnihte hi Etihad Stadium ah an inhmachhawn ang.