Russian MMA star Khabib Nurmagomedo chuan Paris Saint-Germain superstar Lionel Messi’an 2021 Ballon d’Or a phu lo niin a sawi a, player dang pahnihin an phu zawk niin a sawi bawk.
Kan hriat angin thla hmasa khan Lionel Messi chuan a vawisarihna atan Ballon d’Or a dawng leh a. Mahse, hemi chungchangah mi tamtakiin an ngaihdan sawiin, Messi hian a phu ber lo a ni tia sawi tu pawh an tam hle.
A mimal takin Lionel Messi hian kum a hmang tha a, mahse, Ballon d’Or a dawn theih chhan pakhat chu a vawikhatna atan a ram Argentina nomawi a chawi pui vang ber kha niin a lang. Robert Lewandowski pawh hian kum a hmang tha tak zet a, kumin ringawtah club leh ram tan goal 65 lai a khung theih mai bakah Bundesliga nomawi a chawi bawk. Hetihlai hian Lionel Messi erawhin kum 2021 chhungin club leh ram tan goal 50 a khung mai bakah assist 17 a nei tling ve bawk.
2021 Ballon d’Or ah hian Chelsea midfielder Jorgingo hle Liverpool star Mohamed Salah pawh an langsar, Karim Benzema leh N’Golo Kante pawh hi langsar zingah an tel ve. MMA superstar Khabib Nurmagomedo chuan Messi ai player pahnih dangin Ballon d’Or an phu zawk niin a sawi.
“Robert Lewandowski leh Karim Benzema atang hian pakhat zawk zawkin dawng se tih hi ka duh. Robert Lewandowski hi kum 3 liamta vel atang khan khawvel player tha ber a nih ka ring. A result atang kan hmu thei ang. Eng thil nge a tih theih, Champions League nomawi a chawi bawk. Kum 2 liamta chhung khan club leh a ram tan goal 120 ai tam deih a khung, result mak danglam tak a ni.” tiin Khabib Nurmagomedo chuan uar takin Robert Lewandowski chungchang a sawi.
Khabib Nurmagomedov hian Lionel Messi ai Robert Lewandowski’an Ballon d’Or a phu zawk chungchang a sawi tel.
“Football history-ah hian kum 2 chhunga goal 120 khung thei player pahnih vel sawi tur hi ka hre tam lo hle, ka hriat loh vang pawh a ni mahna. Kuminah goal 65 lai a khung, a tam mah mah. Football tan chuan a tam mah mah a ni, Ballon d’Or hi a phu hlein ka hria.” tiin a sawi bawk.
Robert Lewandowski hi kum 2 liamta vel atang khan goal khung lamah hma a sawn hle a. 2020 Ballon d’Or a dawng ta lo kha player vanduai tak a ni. Covid 19 hrileng avangin 2020 Ballon d’Or cancel a nih kha.
Kuminah Lionel Messi hi goal 67 ah a inhnamhnawih a, Argentina chu Copa America nomawi a chawi pui a, Polish international hian Bundesliga leh German Cup a chawi pui ve bawk.
Source SK