Paris Saint-Germain (PSG) Superstar Lionel Messi chuan a vawisarihna atan a career-ah Ballon d’Or a dawng leh dawn niin Spanish Journalist Sergio Gonzalez chuan a sawi.
Kum 34 a upa Lionel Messi chuan Bayern Munich star Robert Lewandowski a hneh dawn niin a sawi a, Lewandowski hi 2020 Ballon d’Or dawngtu tura rinkai ber ni mahse, COVID 19 hrileng avangin a dawng ta lo a ni.
Leo Messi’an 2021 Ballon d’Or hi a dawng a nih chuan ballon d’Or history-a thil chhinchhiahtlak tak pakhat a ni ngei ang, France Football in a vawikhatna atan PSG rawngkai player an dawn tir ve dawn tihna a ni.
Kum 2004 khan Lionel Messi chuan FC Barcelona tan a game hmasa ber a khel a, Camp Nou lama hun a hman chhungin Ballon d’Or vawi 6 lai a dawng.
Kum 2019 khan Ballon d’Or vawirukna tur a dawng a, Liverpool defender Virgil van Dijk’an a khum teuh hle. Ballon d’Or history-a vawi 6 dawng thei awmchhun a ni. Thuthang lengvel hrang hranga a lan dan chuan karleh maia an sem tur 2021 Ballon d’Or pawh hi Lionel Messi’an a dawng leh dawn niin a lang. Top 10 ah hian Robert Lewandowski, Mohamed Salah, Jorginho leh Cristiano Ronaldo leh midang te pawh an awm ang.
2021 summer transfer lai khan Barcelona lamin sum lamah harsatna an tawh deuh avangin contract thar an pe thei lova, Paris Saint-Germain a pan ta kha a ni.
Lionel Messi chuan Ballon d’Or 7 na dawn chu thil mak dangdai tak a nih tur thu a sawi
Thla hmasa khan Lionel Messi chuan tlang takin Ballon d’Or vawi sarihna tur chungchang a sawi. Spanish publication SPORT a hrilh dan chuan Ballon d’Or award a dawng belh leh a nih chuan thil mak dangdai tak a ni ngei ang tiin a hrilh.
2021 Ballon d’Or award dawng tu tur hi official takin November ni 29 ah hian an puang dawn a ni. Lionel Messi’an a vawisarihna atan a dawng dawn nge? Midangin dawng zawk ang le?
Source Sl