Nizan Portugal vs France inkhelhah khan Karim Benzema leh Cristiano Ronaldo chu an inbiak lai hmuh a ni. Frenchman Benzema chuan an gam khelh leh turah duhsakna an inhlan ve ve thu a sawi.
Nizan France leh Portugal khelh ah khan point 1 ve ve an hlawhchhuak a, goal khungtu ah hian Portugal tan Cristiano Ronaldo, France tan Karim Benzema a ni a, an ram tan goal 2 ve ve an khung a ni.
First half chawlhah khan Karim Benzema leh C Ronaldo hian kawr an inthleng nghe nghe.
Karim Benzema chuan Euro 2020 game khelh zawh khan Cristiano Ronaldo nena an inbiak dan chungchan media te hmaah a sawi. Player pahnih hi first half leh hun tawp rual khan an inlawmpui a, duhsakna an inhlan ve ve. First half chawlhah phei chuan kawr an inthleng hial a ni.
“Amah nena inhmuh leh chu a dangdai hle, kawng thui tak kan kal dun tawh a. Real Madrid-ah hian kum 8 emaw kum 9 vel kan khel ve ve tawh a, goal kan khung a, trophy kan chawi bawk. Kan inbiak naah kan hmalam hun lo awm turah club leh ram tana che tha zel turin duhsakna kan inhlan tawn a, a bik takin field chhungah dangdai taka che tha chho zel turin kan infuih a ni.” tiin Karim Benzema chuan a teammate hlui C Ronaldo nena an inbiak dan a sawi.
Euro 2020 khelh meka Karim Benzema leh Cristiano Ronaldo hmalam hun.
Cristiano Ronaldo team Portugal hian Round of 16 ah Belgium an hmachhawn anga, Karim Benzema team France hian Switzerland an hmachhawn ve bawk ang. An tlang zel a nih chuan Semi final-ah Portugal leh France hi an intum leh a ngai dawn a ni.
Portugal starting XI ah C Ronaldo hi a tel zel turah ngai ta ila, Karim Benzema erawh sawi lawk theihloh.
Kick off hma khan Karim Benzema leh Cristiano Ronaldo hi an innuih (Video).
Cristiano Ronaldo and Karim Benzema smiling at each other before KO.pic.twitter.com/R8EGtS0kLa
— Deji Faremi (@deejayfaremi) June 23, 2021
Read More: Jose Mourinho’an Euro a Fernandes chet dan a sawisel
Jose Morinho chuan Manchester United star Bruno Fernandes chu a sawisel a, 2020 UEFA European Championship, Portugal match 2 khelhah khan ‘a khel lo’ tiin a sawi.
Euro Champion lai Portugal hi Group F ah awmin, match hnih an khel tawh a, Hungary leh Germany an hmachhawn, Hungary lakah hnehna chang mahse, Germany lakah erawh an tlawm.
Jose Mourinho chuan Portugal harsatna pakhat chu Bruno Fernandes hi a nih a ring a, a khelh ve chhunah pawh duh angin a che tha tawklo niin a sawi.
“Portugal hi level sang berah khel ta se, tupawh an hneh thei a ni.” tiin Tottenham Hotspur manager hlui Jose Mourinho chuan talkSPORT a hrilh.
“Mahse, player 11 a khelh hi kan mamawh, match 2 khelh takah khan Bruno Fernandes chu field chhungah awm ve mahse, a khel lo.”
“France an hmachhawn hunah a khelh leh ngei ka beisei, a chhan chu player theihna ngah tak leh hlauhawm tak a ni.”
“A pass thei a, goal a khung thei a, penalty a hlawh chhuak thei a, penalty a khung thei a, free kick atangin goal a khung thei bawk.”
“Tih theih tamtak nei mahse, Euro game 2 khelh takah khan a awm tlat lo.” tiin Jose Mourinho chuan a sawi.
Portugal hian France an hneh chuan round of 16 an lut thei dawn a ni. Zanin tun atanga rei vak lo vah hian France an hmachhawn dawn a ni.
Source SL