Roy Keane chuan Tottenham striker Harry Kane chu leadership leh communication nei tha lo angin a sawi a. Field chhung leh pawnah a teammate te duh ang a ti theilo niin a sawi.
Manchester United player ropui Roy Keane chuan, SkyBet kal tlangin Micah Richards hnenah Harry Kane chungchang hi a hrilh a, a club hlui Man Utd hian Spurs forward mak dangdai tak chu la lut ngei se tih a duh thu a sawi. Hetihrual hian Harry Kane chu leadership nei tha lo tak niin hei hi harsa lian tak pakhat a nih thu a sawi chhuak bawk.
Roy Keane
Premiere League season khelh zawh takah khan Harry Kane chuan Golden Boot a dawng a, England captain a nih kum 2018 pawh khan World Cup Golden Boot a dawng bawk. Mahse, Keane chuan hei ringawt hi a duh tawk lo niin a lang.
“Kane lakah duh lo deuh pakhat ka nei a, hei hi thil thalo lian tham tak a ni,” tiin Roy Kean chuan a sawi.
“Kane hi player mak dangdai tak angah ka ngai. Club zawng zawng hian amah lak luh an tum ka ring. Manchester United pawh hian lak luh tum rawh se. A man hi £120 million pawh nimahse, ka buai lo.”
Harry Kane
“Mahse, leader tha tak erawh a nih ka ring lo. Spurs a a awm chhung hian mi a fuih lai leh, kar lai ka la hmu ngai lo. Dressing room lamah a ti ve maithei tiin miten an sawi thei, mahse, a tih hi ka ring lem lo, hei hi buaina lian tham tak a ni.”
“Enge maw chang hi chuan Kane atangin thil engemaw hmuh ka duh ve thin. Spurs player thenkhatte chu manager hnuaiah an khel tha lova, hengte player te hi Kane’an a karin, a fuih lai ka la hmu ngailo a ni.”
“Kane hi leader leh captain a ni tih chauh hi ka sawi duh” tiin Roy Keane chuan Harry Kane chungchang a sawi.
Harry Kane chuan Tottenham a chhuahsan tak tak dawn niin a lang. Tottenham tan hian goal 221 lai a khung tling tawh a ni. Club chhuahsan a duh chhan pakhat pawh Major trophy chawi a duh vang niin a sawi.
Amah duhtu zingah hian Manchester City, Manchester United leh Real Madrid te an langsar hle.
