Kan hriat angin UEFA Champions League match khelh takah Man Utd chu Copenhagen lakah an tlawm a, Man Utd forward Alejandro Garnacho chuan United fans te hnemin, an tanrual tlat tur thu a sawi.
Erik ten Hag leh a naute hi Danish Superliga club Copenhagen lakah 4-3 in an tlawm a, United tan Bruno Fernandes chuan penalty hmangin goal a khung a, Rasmus Hojlund ‘an goal 2 a khung ve bawk, mahse, hnehna erawh an chang thei ta lo.
Social Media lamah Fernandes leh Alejandro Garnacho thlalak hi a darh nasa hle a, hei hi an tlawm hnua thil thleng a ni.
Game khelh zawh anih khan Argentine forward Garnacho chuan Instagram lamah thu post in Inrinni game khelh turah an rawn comeback tur thu leh hmunkhatah an tanrual tlat tur thu a post. Premiere League game an khelh leh turah Luton Town an hmachhawn dawn a ni.
Manchester United hian match 11 an khelh tawh atangin point 18 an hlawhchhuak tawh a, PL table-ah 8 na dinhmun an hauh mek. Amaherawhchu, Champions League Group A table-ah erawh a mawngphahah an la awm mek. Game 2 khelh tur an la nei a, tlang thei dinhmunah an ding mek a ni.