Ka tih dik loh te ka hria, mi mâwl ka ni bîk lo – Van Dijk

Liverpool defender rinrawl Virgil van Dijk an tun season ah beisei a pha lova, mi tam tak sel rawn pawh a ni rêng a ni. Van Dijk ngei pawh hian a tihsual hre lo tur khawpa mi mâwl anih loh thu a sawi.

Tun season ah Reds hian league game 6 an khelh atangin point 9 chauh an la hlawhchhuak a, German coach Jurgen Klopp-an 2015 atanga a enkawl hnua season bul an tan that loh ber tum an tawng mêk.

Queen Elizabeth II thihna avangin Liverpool hian ramchhung inelna an khelh hnuhnun ber chu September ni 3 daih tawh kha a ni a, an game hnuhnung ber ah erawh Champions League group stage match ah Ajax chu 2-1 in an hneh hram.

Tun season ah Van Dijk chu Liverpool hnungdawltu ber a la ni zel a, a laka mite beisei erawh a pha lo hle. A bîkin Napoli 4-1 a an hnehloh tum in Dutch defender hian sawisel a hlawh nasa zual.

Nizan Nations League match a Netherlands in 2-0 a Poland an hneh hnuin Van Dijk an season bul a tan that loh avanga a lawm loh thu sawiin,”Season bul kha tun aia tan tha thei ka ni tih ka hria. Mi mâwl ka ni bîk lova, ka tih dik loh te kha ka hre ve kâr tho. Chutihrual chuan club mai bakah ram tan pawha player rinrawl ber pakhat ka ni tih ka inhria a, heng ka mawhphurhna te hi ka hre rân. Heng zawng zawng hi chona a ni a, kan ngaituahna a awm reng thin a ni. Mi tam tak chuan min hriatpui kher lova, mahse heng thil hi a awlai hauh lo. Kan theihtawp kan chhuah a, mahse tihsual zeuh kan neih chuan sawisel kan hlawh nghal chat thin. Heng demna awka zawng zawng te hi kan pai dam thiam a ngai a, keimah ah chuan harsatna a tling lem lo” a ti.

Related Posts

error: Content is protected !!