‘Ka thian ka hmangaih lutuk che’ tiin Lionel Messi’an Aguero tan thu a ziak

Lionel Messi chuan Instagram lamah a thian leh teammate ni bawk Sergio Aguero tan thu thlum tak a post. Kan hriat angin Sergio Aguero hian lung lam that lohna (cardiac arrhythmia) natna avangin Football a chawlhsan a ngai ta a, vawiin khan football a chawlhsan thu a puang a nih kha.

Lionel Messi hian Sergio Aguero nena an thlalak a post a, thu a ziak bawk.

“Career pumpui deuh thaw kan hmang dun, Kun, nang nen chuan hun duhawm tak kan hmang a, mi zawng zawngin pumkhatah min siam a, thian tha tak kan ni bawk. Field pawn lamah pawh kan la cheng dun leh zel dawn nia” tiin Messi chuan Intagram lamah a post.

“Hun tlemte liamtaah khan Copa America chawi avangin kan lawm hle a nih kha, England lamah khan engkimah i hlawhtling hle. Mahse, tunah hian i chunga thil thleng avangin, i duh ber i chawlhsan dawn ta a, a na tak zet. I hlim zel ang tih hi ka ring a, a chhan chu mi hlim thei tak i nih kha, nangmah hmangaihtu hi i kiangah a awm zel ang. Tunah chuan nun thar i hmang tan leh tawh dawn a, hlim takin hun hmang zel ang che.”

“He stage tharah hian duhsakna sang ber ka hlan che, ka hmangaih lutuk che ka thian, nang nena kan khelh dun lai te ka ngai dawn hle a ni, National Team tana kan khelh lai te a ngaihawm dawn tak zet.” tiin Messi chuan uar takin Sergio Aguero message a thawn.

Lionel Messi leh Sergio Aguero hian Argentina chu hlawhtlinna vawi 2 an chan pui

Sergio Aguero leh Lionel Messi hian 2021 Copa America nomawi an chawi tumah chauh khan squad-ah an awm dun lova, 2008 Olympic gold medalists annih lai pawh khan squad khatah an lo awmdun tawh a ni.

Source SK

Related Posts

error: Content is protected !!