Chelsea player hlui John Obi Mikel chuan a teammate hlui tuna Real Madrid player ni mêk Eden Hazard chungchang sawiin a player hmuh tawh a zawnga la thatchhe ber anih thu a sawichhuak.
Eden Hazard hian 2019 khan €116 million in Chelsea atangin Real Madrid a zawm a, a hunlaia player hot ber pakhat niin a lakah Madrid fans te beiseina pawh a sang hle.
Amaherawhchu Belgium playermaker hian Santiago Bernabeu ah beisei a pha lo hle a, hliam in a tlakbuak nasat mai piahlamah a consistent lo hle bawk. Chelsea Hazard leh Real Madrid Hazard chu an dang hlak a ni ber!
Chelsea tana lo khel tawh Nigerian international John Obi Mikel chuan Eden Hazard chungchang hetiang hian a sawi, “Eden Hazard hi ka player hmuh tawh a zawnga la thatchhe ber a ni. Match day ah erawh Man of The Match Award a lo dawng leh mai thin. Game kan neih hma zana zanriah kil zawh ah hian pudding ei in minute 20-30 chuang te a la thu a, ei hi a duh hle. Trainingna ah te khan tan han la deuh ni ngat se footballer tha zawk a ni thei ngei ang” a ti.
Obi Mikel leh Hazard te hi Blues tan 2012-17 inkar khan an lo inkhel tawh a, Premier League leh Europa League te an chawi dun tawh nghe nghe.
Kum 32 a upa Eden Hazard hian Real Madrid ah kum 2024 thleng daih tur contract a la nei a, club lam erawh in nipui bazar inhawn leh hmasak bera hralhchhuah an duh. Saudi Arabian club Al Nassr chu Chelsea star hlui lalut thei tur âwm ang ber anni.
