Ka nupui Victoria hian kum 25 chhung nitin chaw ngai ngawt a ei-David Beckham

England captain hlui David Beckham chuan a nupui Victoria chungchang sawiin, an intawn atanga kum 25 liam tawh mahse, nitin chaw ngai ngawt ala ei thin thu a sawi chhuak.

David Beckham leh Spice Girl member hlui Victoria te hi 90s chho velah khan an intawng a, an relationship khan khawvel pumpui chanchinthar a deng chhuak a ni deuh ber mai.

Nupa inngaih tak anni a, an inneihtirh kha chuan mi tamtakin rei tak an inneih an ring lova, mahse, vawiini thlengin rinawm takin an la innei tluang zel a ni.

River Cafe Table 4 podcast-ah Manchester United winger hlui David Beckham chuan a thil ei dan thin leh a nupui thil ei dan thin chu a khaikhin.

“Chaw leh wine tih velah hian ka duh tui ang reng hle a, thil danglam leh tui tak ka ei anih chuan midang pawhin ei ve se tih chu ka thil duh a ni thin.” tiin Beckham chuan a sawi.

“Mahse, thil duhawmlo deuh mai chu tuemaw nupuiah ka nei a, kum 25 chhung teh meuh mai a ngai ngawt a ei. Ka tawnni atangin Grilled Fish leh steame vegetable ngawt a ei anih chu, hei lo hi a ei khat khawp mai.”

“Vawi khat chauh ka plate-a awm chu min ei pui a, kha tih lai kha Harper a pai lai a ni nghe nghe, hei thil mak dangdai tak a ni.”

“Ka hriat chian loh vang nge ka hre lo, mahse, kha ta tang kha chuan thil dang hrim hrim a eilo tih ka hria.” tiin a sawi bawk.

David Beckham leh Victoria te hian fa pali annei tawh a, a fapa upa ber dawttu Romeo hian a pa hnung zuiin professional footballer nih a tum ruh hle. Nikum lamah khan Inter Miami tan a game hmasa ber a khel a, Peruvian club Universitarios chu an hneh nghe nghe.

Source SB

Related Posts

error: Content is protected !!