- Chelsea leh Aston Villa inkhelh tumah khan Romelu Lukaku chuan Chelsea tan goal a khung a, a khup hmanga tlengin a tleng fuh vak lo a nih kha.
- Lukaku chuan Social Media lamah a khup hmanga a tleng ngai tawh dawn lo niin a sawi.
Chelsea striker Romelu Lukaku chuan Twitter lamah khup hmanga tleng (knee Slide Celebration) a ti leh ngai tawh dawn lo niin a post. Aston Villa laka goal hmasa ber a khung khan a tleng ve ngei a, mahse, a tleng fuh lo a nih kha.
Belgian international Romelu Lukaku hian kum 2014 khan Chelsea hi alo chhuahsan a, hunrei tak club dang dangah a khelh hnuin, tun summer transfer-ah khan a rawn kir leh a ni. Chelsea lama a kir leh hnu hian bul a tan tha ang reng hle.
Premiere League match-ah Aston Villa an hmachhawn tum khan Mateo Kovacic trough ball tha zet hmangin Romelu Lukaku hian goal a khung a, he a goal khung hi Stamford Bridge-a a goal khungna hmasa ber a ni.
Chelsea in goal 3 an khung atanga goal 2 hi Romelu Lukaku khung a ni. Goal khatna a khung hian Lukaku chuan mawi taka celebrate ve ngei a tum niin a lang, mahse, a khup hmanga tleng a han tum chuan hmalamah a let ta zawk a ni.
A celebrate sual avangin social media lamah a lar ang reng hle a, Chelsea legend Didier Drogba pawhin Romelu Lukaku instagram post-ah comment ve in, ‘Doctor David, Khup thar i pe thei ang em?’ tiin fiamthuin a comment a ni.
Romelu Lukaku pawhin ‘nimina ka celebrate hnu khan, khup hmangin ka tleng leh tawh lovang’ tiin a post ve bawk.
Source Mailonline