”Ka enkawl tawha tha ber a ni” – Rafa Benitez

Rafa Benitez chuan Liverpool captain hlui Steven Gerrard chu a player enkawl tawh zawng zawnga tha ber anih thu a sawichhuak.

Spanish coach hian kum ruk chhung Liverpool a enkawl hman a, 2005 a Liverpool in Champions League nomawi an chawi tum khan Benitez hi Liverpool manager a ni. Reds a enkawl chhung hian England legend Steven Gerrard chu team captain a ni tluan bawk. Gerrard hian a team hlui tan game 710 inlanin goal 185 a khung.

Gerrard hi mi tam tak chuan Premier League chanchin-a midfielder ropui ber ber niin an chhal a, Rafa Benitez pawh a player hlui hi a fak hle.

”Lampard ka hria a mahse Gerrard hi ka hre mah zawk. Ani nen kum 6 chhung hun kan hmang a, ka enkawl tawh zawng zawnga player tha ber a ni. He thil chungchang ka sawi chhan hi chu mi tam takin min zawt fo vang a ni. Player ropui tak a ni a, tunah erawh manager la naupang tak a ni thung ” tiin Benitez an Gerrard chu a player enkawl tawha tha ber anih thu a sawi.

Spanish coach chuan sawi chhunzawmin,” Hun engemaw chen a la duh dawn a, Scotland lam anga a chet that theihnan tihdikloh tam tak pawh a la nei ang. Gerrard hian hma hun eng tak a nei a, ka sawi duh chu a thil tum leh ruahmanna hi ngaih pawimawh sak thin ni rawh se” a ti.

Related Posts

error: Content is protected !!