Juventus leh Arsenal player duh man atana, Newcastle United in €40 Million an theh chhuah chu Pawmpui a ni

Newcastle United chuan January transfer window neih mekah player pahnih an la lut tawh a, a pathumna tur atan pawh €40 Million an thehchhuak leh tawh a, hei hi pawmpui a nih thu report in a tarlang.

​The Magpies lamin neitu thar anneih hnuah Kieran Tripper leh Chris Wood an la lut tawh a, tunah hian player talent nei tha dang lak luhna hun an la nei a. Premiere League khelh mekah Newcastle United hi relegation zone-ah an awm mek avangin inthawm that thuai an mamawh a ni.

Manchester United midfielder Jesse Lingard chu St. James Park lama insawn tur angin thuthang a tam hle a, January ni 31 deadline day hma ngeiin a luh ringtu an tam.

Mahse, a landanah Newcastle boss Eddie Howe hian a vawithumna atan player a la lut hnai, Bruno Guimaraes lakluhna atana sum an thehchhuah chu Lyon lamin an lo pawm sak niin report in a tarlang.

Brazilan outlet pakhat Globo in a tarlan dan chuan, French club Lyon hian Newcastle United (bid) na chu an pawmpui tawh niin a tarlang.

Mahse, Guimaraes atang erawh eng thu mah hriat ala ni thei lova, mahse, tun atanga rei vak lovah a chhan let thuai a rinawm a ni.

Kum 24 a upa Bruno Guimaraes hi Serie A club lian Juventus leh Premiere League club Arsenal lam pawhin lak luh an duh a, club pahnih te hian defensive midfielder an mamawh hle.

Bruno Guimaraes hian kum 2020 January thla khan Athletico Paranaense atang Lyon hi a zawm a, kha tih lai a, a man chu £17 million. a ni.

Tun season khelh mek all competions ah match 25 inlan tawh a, Premiere League table 18 na dinhmun hauhtu Newcastle United hi a zawm duh mai ang em?

Source SK

Related Posts

error: Content is protected !!