Chelsea star Jorginho agent chuan season thar lo awm turah midfielder hmalam hun tur a confirm, hei hi Serie A Club lian Juvnetus in an duh hnua a confirm a ni.
Kum 2018 khan Chelsea boss hlui Maurizio Sarri chuan Napoli atangin a la lut a, Blues tan che tha viau mahse, Serie A lama kir leh tur anga sawi a ni.
Italy in 2020 UEFA European Championship nomawi an chawi hnuah Serie A lama kir leh tur anga sawi alo nih tawhna chu sawi thar leh a ni.
Amaerawhchu, Jorginho agent Joao Santos chuan Juventus in duh hle mahse, Jorginho hian Stamford Bridge lama hun la hman chhunzawm a duh niin a sawi.
“Jorginho duhtu an awm nual tih hi ka confirm” tiin Joao Santos chuan Calciomercato a hrilh.
“Kum 29 a upa Jorginho hi European clubs lian ah tha takin a che thei tehreng mai, amah duhtu pawh an tam hle.”
“Tunah hian kum 2 daih contract ala nei mek a, tunah chuan club ta ala ni. World Club Championship ala awm a, European Super Cup ala awm bawk.
“Footballer tan chuan heng goal pawimawh tak a ni. Mahse, transfer market hi englai pawhin transfer market a ni, major club thenkhatin tihtakzeta Chelsea an pan a nih chuan, a hlut dan kan chhut anga, kan ngaihtuah tha ang.”
“Tun dinhmunah rih chuan, Jorginho hi Chelsea-ah season thar ala khel ang” tiin Jorginho agent Joao Santos chuan a sawi.
Source SL