Jurrien Timber manah Ajax leh Arsenal te chu €45 million + €5 million add ons in an inrem fel a, Dutch international hi North London club nen mimal thil ah inremna an lo nei tawh nen, Gunners in player thar an nei leh hnai.
Report tarlan danin Timber hian tunkar ral hma in Arsenal ah medical test a nei fel dawn a, Gunners in West Ham atanga €122 million a an sign tur Declan Rice ai mah pawhin Timber hi Arsenal player thara puan hmasak anih a rinawm.
2022/23 season uiawm taka khartu Gunners an tang em em a, season tharah ropui taka chet an tum. Kumin transfer bazar zet zawng tum dang ang lo takin Arsenal in player an ngam huai em em a, sum pawh an inseng nual dawn niin a lang.
Kan hriat ang in Kai Havertz chu kumina Arsenal player lakluh thar hmasa ber a ni a, German international kum 24 a upa manah hian Gunners chuan €76 million lai an inseng anih kha.
Havertz bakah Rice leh Timber te chu Gunners player thar ni mai tur te anni a, player pahnihte manah hian Arsenal chuan €172 millio lawih an inseng dawn!
Kum 24 a upa Rice hian 2022/23 season khan West Ham tan inelna hrang hrangah game 50 zet a inlan a, goal 5 leh assist vawi 4 a thawkchhuak. English international hian a captain-na hnuaiah Hammers chu UEFA Europa Conference League a chawipui a, 1999 hnua West Ham trophy chawi leh hmasak ber tum a ni nghe nghe.
Arsenal zawm tur dang Timber hian season hmasa khan Ajax tan inelna hrang hrangah game 46 a inlan a, an team atangin ani aia inlan tam an awm lo. Kum 22 a upa hi centre back bakah right back a khel thei a ni bawk a, player naupang enkawl thiam Mikel Arteta an a chhawr thiam viau ngeiin a rinawm.