Jurgen Klopp’an PSG defender beidawng lak luh a duh

Liverpool boss Jurgen Klopp chuan Paris Saint-Germain (PSG) star Achraf Hakimi chu lak luh a duh niin Spanish outlet pakhat El Nacional in a tarlang.

Summer transfer lai khan Paris Saint-Germain (PSG) chuan Serie A champion Inter Milan atang Achraf Hakimi hi €70 million in an la lut a. France club lianin player tha an lak luh nual lai khan kum 23 a upa Achraf Hakimi pawh hi an la lut tel ve a ni. Kha tih lai khan Paris Saint-Germain (PSG) chuan Lionel Messi, Sergio Ramos leh Gianluigi Donnarumma te an la lut a nih kha.

Achraf Hakimi hian Parisians tan kum 5 chhung daih contract a sign a, Champions League leh nomawi dang an chawi theihna turah player pawimawh tak a nih a beiseiawm. Mahse, Paris Saint-Germain lamah Hakimi duh ang leh beisei angin thil a kal tluang vak lo niin a lang.

Hetihlai hian Achraf Hakimi hi Mauricio Pochettino hnuaiah regular takin a start a, result erawh an beisei angin an hlawh tha lem lo. Mi tamtak chuan PSG chu Champions League nomawi chawi tur zingah an lang lo niin an ngai.

An sawi zel danah Achraf Hakimi leh player thenkhatte relationship a tha vak lo niin an sawi a, chung zingah chuan Lionel Messi leh Neymar pawh an tel. Tun thlengin Paris Saint-Germain lamah Hakimi hi ala beidawng rih niin an sawi.

Reports in a tarlan dan chuan Liverpool hian Achraf Hakimi lak luh an duh niin a tarlang a. Reds manager Jurgen Klopp hian right back Hakimi hi a duh hle a, Anfield lamah lak luh a duh niin an sawi bawk.

Achraf Hakimi hi PSG lamah hlim lo mahse, a man hi a tlawm zawk zawk dawn lo a ni. An lak luhna €70 million tal lak let leh ngei an duh ang. Amah duhtu zingah Real Madrid pawh rawn lang ve lehin, Hakimi hian Bernebeu lama kir leh chu a tum tawh lo. Liverpool hian an la lut thei mai lovang maw?

Source SL

Related Posts

error: Content is protected !!