Liverpool chuan tun summer transfer window ah an player pathum lai an chhuah tir tawh a. Jurgen Klopp chuan player dang 5 te chu hralh chhuah turah a dah leh niin report in an tarlang.
Tunkar tir khan Marko Grujic leh Taiwo Awoniyi ten club an chhuahsan thu Reds lamin an puang a. 2021/22 season atan Georginio Wijnaldum pawhun Liverpool a chhuahsan tawh bawk.
Star dang te pawh la chhuah belh zel tura ngaih a ni a, Liverpool Echo in an tarlan dan chuan Switzerland international Xherdan Shaqiri hi Liberpool player 5 chhuak tur zingah a tel ve niin an tarlang.
Kum 29 a upa Shaqiri hi Euro 2020 ah khan a ram tan a che tha hle. Games 5 a khelh atangin goal 4 lai maiah a inhnamhnawih a ni. Kum 2018 khan Stoke City atangin Liverpool a pan a, mahse, Liverpool tan duh angin a inlan tam lo.
Liverpool ah hian kum 3 chhung a awm tawh a, all competion ah match 63 inlan tawhin, goal 17 ah chauh a inhnamhnawih a ni.
Engpawhnise, Liverpool player chhuak tura rinkai player 5 te kan rawn tarlang e.
Xherdan Shaqiri
Nathaniel Phillips
Divock Origi
Neco Williams
Harry Wilson
Source SL