Rio Ferdinand chuan Real Madrid star Jude Bellingham’an Manchester United a hnawl chhan a sawi a, first team tan regular taka khelh a duh a, hei hi an tiam theih loh vang niin a sawi.
Kan hriat angin kum 20 a upa Bellingham hi Borussia Dortmund lamah khan a che tha ang reng hle a, Real Madrid a pan hnu pawhin season bul a tan tha hle. Tunah hian Real Madrid tan all competion-ah match 13 inlan tawhin goal 13 a khung mek a ni.
Bellingham hi Dortmund-ah khan a che tha em em a, a club luhna tur pawh a thlang uluk viau niin a lang. Manchester united legend Rio Ferdinand chuan Bellingham’an Manhchester United a hnawl chhan a sawi.
England international Rio Ferdinand chuan kum 2020 a Bellingham’an Dortmund a zawm hma khan Manchester United nen sawi zawm annih thu a sawi bawk.
Kha tih lai khan Birmingham City chuan Bellingham chu Red Devils zawm tir an tum a, amaherawhchu, United lam khan Bellingham thil duh an ti hlawhtling thei lov, first team role-a awm ngheh tir kha an ngaingam lutuk lo a niang.
“Ka thil hriat hi ka lo share ang che u, Bellingham khan first team player anga, regular taka khelh chu a duh a. Mahse, Manchester United lam chuan hei hi an tiam pui thei lo, hei hi source tha tak atang ka hriat a ni” tiin Ferdinand chuan Vibe with Five podcast-ah a sawi.
Kha tih lai khan United in Bellingham kha an la ring ngam lutuk lo niin a lang. Bellingham chuan German club chu a pan ta zawk a, tunah Spanish club Real Madrid tan khel lehin player che tha ber pawl a rawn ni mek.