Manchester City chuan September 2020 khan Benfica atangin kum 24 a upa Ruben Dias chu £65 million lai maiin an la lut a, an lei sual lo chiang hle.
Portugues centre back Ruben Dias hi City boss Pep Guardiola hman rim ber pakhat a ni a, Season liamtaah khan League match 32 lai a khel.
Dias hi Man City-ah season khat chauh hun hmang rih mahse, Premiere League nomawi leh League cup nomawi a chawi der tawh. Mahse, UEFA Champions League erawh Chelsea lakah an chan a ni.
Mancheser city star Ruben Dias hi Premiere League Player of the Season atan thlan tlin a nih mai bakah 2020-21 PFA Premiere League Team of the Year-ah a lang a ni.
Portugal head coach Fernando Santos chuan 2020 Euro khel tur Portugal squad-ah Ruben Dias hi a tel a. Benfica star hi Portugal tan a start ngei a rinawm bawk.
Jose Mourinho chuan Ruben Dias hi “centre back tha tak a ni’ tiin a sawi a, Man City-ah hian level tharah a awm a ni tiin a sawi bawk.
Kum 58 a upa Portuguese manager Jose chuan, “Ruben Dias hi tunah hian khawvel centre back tha ber a ni.” tiin The Sun a hrilh.
“Centre back tha tak a ni a, a kiangah kum 38 a upa experience nei tha tak Pepe a awm bawk ang.”
“Portugal hi an strong viau thei a ni, attack lamah pawh talent nei tha tak tak an awm nuk.” tiin a sawi.
The Special One hian a ram Portugal chungchang leh C Ronaldo chungchang ti hian a sawi.
“Cristiano Ronaldo hi naupang chhia a ni tawh lova, tun hi Euro a khelh hnuhnung be pawh a ni thei.”
“European champion an nih hnuah, kuminah pawh hian hlawhtlinna tur a nih phawt chuan a engkim a hlan leh mai ka ring.”
“Fernando hi mi dik, awmna tur dik taka awm a ni. A nghet tha a, a player te a hrechiang hle.”
“Experience nei player Cristiano Ronaldo, Pepe, Rui Patricio leh Joao Moutinho te squad-ah a la tel a ni.” tiin Jose chuan a sawi.
Source Sportbible