Jose Mourinho’an club tha a enkawl chhung hi kum 20 chuang a ni tawh a, club hrang hrang te match 1000 chuang a khelh pui tawh a, trophies 25 lai a chawi pui tawh bawk. Jose Mourinho hi football manager mite duhrawn ber pakhat a ni.
A career-ah player tha tamtak alo la lut nual tawh bawk a, hetihlai hian player tha te pawh alo hralh chhuak nual tawh a ni.
Engpawhnise tun tumah hian Jose Mourinho’an superstar alo hralh chhuah tawh player 5 te kan rawn tarlang ve leh dawn a ni.
5 Juan Mata (Chelsea to Manchester United)
Kum 2011 summer transfer lai khan Chelsea chuan Valencia atangin Juan Mata hi an la lut a, kha tih lai khan kum 23 a upa chauh ala ni. Rawlthar talent nei tha tak a ni a, hma a sawn chak hle. London lamah season bul a tan tha ang reng hle a. 2011-12 season khan goal 12 a khung mai bakah assist vawi 20 lai a nei tling a ni.
Assist lamah a bon hle a, Chelsea-ah season 2 a hman zawh hnu khan goal 52 lai maiah a inhnamhnawih a ni. Assist vawi 35 lai a nei hman tihna a nih chu. Kum 2013 khan Jose Mourinho’an Chelsea a enkawl tan leh a, engkim mai kha plan angin a kal chho zel niin a lang.
Chelsea-ah season 2 chhung chief creator anga a awm hnuin, Jose Mourinho chuan Manchester United hnenah kum 2014 khan €44 milion lai maiin a hralh chhuak ta a ni.
4 Leonardo Bonucci (Inter to Genoa)
2017-18 season khan AC Milan chuan Euro 42 milion lai maiin an la lut a, Leonardo Bonucci hi Juventus tan kum 10 chhung teh meuh mai Juventus tan alo khel tawh a ni. Kum 2010 khan Bari atang Juventus hi a zawm a, Juventus player pawimawh tak pakhat a ni.
Amah hi kum 2006 khan Inter Mian academy atanga graduate a ni a, Inter Milan senior squad tan match 4 a khel ve hman. Jose Mourinho’an Inter a enkawl lai khan a duh zingah a tello a niang, Genoa lamah a hralh chhuak a ni.
3 Arjen Robben (Chelsea to Real Madrid)
Jose Mourinho’an Chelsea a enkawl vawi khatnaa a hralh chhuah hnuhnung ber a ni. Chelsea atang Real Madrid lamah €35 million laiin a hralh chhuak. Arjen Robben hi Stamford Bridge lamah season 2 lai mai hun a hmang hman ve a, 2007 summer transfer lai khan a hralh chhuak a ni.
Mourinho’an Robben a hralh chhuah lai hian kum 23 a upa chauh ala ni rih a, Chelsea lama hun a hman lai khan hliam neuh neuhin a ti buai ve reng a ni. Chelsea in a zawna Premiere League nomawi an chawi lai pawh khan player pawimawh tak pakhat a ni.
Real Madrid lama a khelh hnuin Bayern Munich lamah insawn lehin Munich tan hian match 309 lai mai a khelh atang goal 144 a khung a ni.
2 Romelu Lukaku (Chelsea to Everton)
Tun summer transfer-ah khan Chelsea chuan an player hlui ni ta Romelu Lukaku hi €115 million in an la lut leh. 2020-21 season khelh zawh a nih khan Romelu Lukaku hian striker tha a nih zia a pholang, Inter Milan tan season 2 chhungin goal 64 lai a khung a ni.
Kum 18 a upa Romelu Lukaku chu Chelsea in €15 million in an la lut a, Chelsea lama hun a hman chhung khan an chhawr vak lo. Kum 2013 khan Jose Mourinho chuan Everton lamah loan in a chhuah tir.
Chelsea leh Bayern Munich ten UEFA Super Cup an khel a, Romelu Lukaku hian penalty a pet goal lo, hei hi Mourinho tan chuan Stamford Bridge chhuahsan tirna rem chang tak a ni.
Mahse, Jose Mourinho’an Manchester United a enkawl khan, sum tam tham tak hmangin Lukaku hi Old trafford lamah a la lut leh a ni.
1 Kevin De Bruyne (Chelsea to Wolfsburg)
Jose Mourinho hralh chhuah zinga a tihsual lian ber pakhat anga sawi a ni. Kha tih lai khan Kevin De Bruyne hi rawlthar hma lam hun eng tak nei a ni. Kum 2012 khan Chelsea chuan Genk atangin an la lut a, mahse, thla 6 vel chauh Stamford Bridge lamah hian hun a hmang hman a ni.
Jose Mourinho chuan hralh chhuakin, Manchester City lamin an la lut a, tunah phei chuan Manchester City player pawimawh ber a ni tawh a, hei mai a ni lo, khawvel midfielder tha ber pakhat a ni mek.
Source SK