Paul Pogba leh a teammate Kimpembe chu Switzerland laka goal an khung hnu khan an celebrate a, an lam a nih kha, Jose Mourinho chuan an lam chungchang vel a rawn sawi chhuak leh.
World ChampionFrance hi mak deuh maiin Euro 2020 round of 16-ah Switzerland in an pet chhuak a nih kha. Switzerland lamin penalty shootout hmangin hnehna an chang.
Minute 15 vel la awmah Man United midfielder Paul Pogba chuan goal a khung a, goal a khung hnu hian France lamin 3-1 in hma an hruai mek. Pogba chuan a goal celebrate in a teammate Prisnel Kimpembe nen an lam vel a nih kha. Hei hi Jose Mourinho chuan alo duhlo hle a niang.
Jose Mourinho’an Man Utd a enkawl lai khan Pogba nen intihthiamlohna an lo nei tawh a nih kha. Minutes 15 khelh tur la awm a, lo lam vel kha a ei vaklo a ni.
“France hian anmahni leh anmahni chauh an inmawhchhiat theih ang. Switzerland nen an khelh tan tir atang phatin an tan chhe hle. France hian talent neitha player an nei nual a, tha tak takin an in recover thei zel” tiin kum 58 a upa Jose Mourinho chuan talkSPORT a hrilh.
“Mahse, goal thumna a luh hnu khan Kimpembe leh Pogba goal celebrate lai ka hmu, ka duh lo hle. ka ngaihtuahnaa awm chu hemi te pahnih hian Eiffel Tower lama kir turin an celebrate der tawh a nih hi, hetah an lam anga, France-ah an lam leh bawk ang tih chu ka ngaihtuahnaah a awm nghal.”
“Eng lam nge an lam tih ka hre lo, mahse, lam dang dang pahnih vel chu an lamin ka hria. Minutes 20 a han liam meuh chuan game a la tawp lo” tiin Jose Mourinho chuan Pogba leh Kimpembe lam chungchang a sawi.
Source SL