Jose Mourinho chuan tun summer transfer-ah hian Real Madrid star Marcelo chu AS Roma lamah lak luh ngei a duh niin report in an tarlang. Manager thar Jose chuan reilote atan hliam nei Leonardo Spinazzola thlaktu tur atan a duh niin an tarlang bawk.
AS Roma chuan tun summer-ah Marcelo lak luh an tum dawn niin AS chuan a tarlang. An sawi zel danah Serie clun hian Real Madrid lama Marcelo dinhmun chu an thlir niin an sawi.
Marcelo hian Real Madrid-ah kum khat daih contract ala nei mek a, tunah hian contract dang an la zawrh rih lo. Marcelo hi Madrid lamah duh ang khelhna huntha a chang thei vak tawh lova, Ferland Mendy chuan a hmun a luah khat hneh hle.
Jose Mourinho chuan tun summer ah hian lak luh a duh ngei a, Italy defender Leonardo Spinazzola a in hliam hnu phei chuan lak luh ngei a tum ruh hle.
Jose Mourinho hi Marcelo fan a ni
Jose Mourinho hi Marcelo fan a ni a, Real Madrid a enkawl lai pawh khan Marcelo hian starting XI a chang thei hle a nih kha. Real Madrid in Mourinho an ban lai pawh khan a lungawilo hlr a, engtikniah emaw a hnuaiah khelh leh ngei a inring.
Mourinho hian a la lut thei mai lovang maw?