Jose Mourinho chuan Roma manager a nih hnuah, 2021/22 Season atan player thar a lak luh hmasak ber tur an puang hnai niin report in a tarlang.
Jose Mourinho hi season thar lo awm tur atan a inbuatsaih nasa leh dawn niin a lang. Kan hriat angin Tottenham Hotspur chuan an ban a, an ban atanga rei vak lovah AS Roma chuan an manager thar atan an la lut nghal a ni.
AS Roma manager thar a nih hnuah, player hrang hrang nen sawi zawm nghal a ni a, a player lak luh hmasak ber tur anga an sawi chu, kum 28 a upa Arsenal midfielder Granit Xhaka hi a ni.
Football london in a tarlan dan chuan, Roma lamin player thar an lak luh thu an puang tep niin a tarlang a, Xhaka hian £16 million in Roma a zawm dawn niin an tarlang bawk.
Kum 2016 khan Switzerland international hi Arsenal chuan Borussia Monchengladbach atangin £35 million in an la lut a, Arsenal tan match 220 inlanin trophies 4 a chawi tawh a ni.