Jose Mourinho hnuaia khel tawh defender ropui 5

Jose Mourinho khelh tir dan style hi mi tamtakin an ngaina lo maithei, mahse, a thlen tawh chingah hlawhtlinna hrang hrang a chang ve a ni.

Jose Mourinho hnuaiah hian player experience nei tha tak tak te an lo khel tawh a, European club tamtak chu hlawhtlinna a chan pui nual tawh bawk.

Defensive football a ngaina tih chu zep rual a ni lo, a tumpui te tih chauh hnua attack hi a tih dan tlang pui a ni.

Hei vang hian Mourinho hnuaiah defenders tamtak an lo hlawhtling ve tawh a, tun tumah hian Mourinho hnuaia khel defender ropui zual 5 te kan rawn tarlang ve leh dawn a ni.

5 Javier Zanetti (Inter Milan)

Bayern Muenchen vs Inter Milan - UEFA Champions League Final

Inter Milan tan chuan Javier Zanetti hi legend an i a, Inter Milan lamah hian season 19 chhung teh meuh mai hun a hmang a, hemi chhung hian trophies thahnem tak a chawi bawk.

Jose Mourinho hian Serie A club, Inter Milan hi season 2 a enkawl a, Zanetti hi a chhawr tangkai tak zet. 2009-10 khan Inter Milan chu an treble pui a ni.

Javier Zanetti hian Mourinho hnuaiah Inter Milan tan match 106 a inlan hman a, Serie A nomawi pahnih a chawi pui a ni. Zanetti hi leadership nei tha tak a ni bawk.

4 Marcelo (Real Madrid)

Real Madrid vs Real Sociedad - La Liga

Marcelo hi a generationa-ah left back tha ber pakhat anga sawi thin a ni. Mahse, tunah chuan duh angin a khel tha tawh lova, football a chawlhsan hnai ve deuh tawh niin a lang. Mahse, Real Madrid tana a thil tih tawh zawng zawng erawh a hlut dan ala pangai reng dawn a ni.

Jose Mourinho’an Real Madrid a enkawl lai pawh khan Marcelo hi a che tha tak zet a, Mourinho hnuaiah Real Madrid tan match 113 a inlan atang, assist vawi 121 lai a nei tling a ni.

3 Sergio Ramos (Real Madrid)

Lyon vs Real Madrid - UEFA Champions League

Sergio Ramos hi Real Madrid lamah season 16 chhung teh meuh mai hun a hmang a, Real Madrid legend pakhatah a inchhuah.

Mourinho hnuaiah Real Madrid tan match 137 lai a inlan a, tunah chuan PSG tan a hun a hmang leh tawh a ni.

2 Ricardo Carvalho (FC Porto/Chelsea/Real Madrid)

Aston Villa vs Chelsea

Ricardo Carvalho chauh hi, tun tuma kan rawn tarlan tak te atang Jose Mourinho hnuaiah club pathum tana khel awm chhun a ni. FC Porto, Chelsea leh Real Madrid lamah an lo awm dun tawh a ni.

Carvalho hian Jose Mourinho hnuaiah club pathum tan match 292 lai a inlan a, hlawhtlinna tamtak an lo chang dun tawh a ni.

1 John Terry (Chelsea)

Chelsea vs Manchester United - Premier League

John Terry hi Chelsea atanga rawn chawr chhuak niin, 2000-01 season khan senior team tan a khel tan. Jose Mourinho’an Chelsea a enkawl hnu lawkah Chelsea captain Marcel Desailly’an football a chawlhsan avangin John Terry hi Chelsea coach atana ruat nghal a ni. Anni pahnih hi an relationship pawh a tha viau niin an sawi.

Mourinho hnuaiah Chelsea tan match 266 lai a khel tling hman a, Premiere League nomawi 3 leh FA Cup nomawi 1 an chawi dun a ni.

Source SL

Related Posts

error: Content is protected !!