2021 Ballon d’Or dawng tura rinkai zingah Chelsea star Jorginho hi a langsar ang ren hle a, hetihlai hian Barcelona superstar hlui Lionel Messi pawh a bang bik chuang.
Ballon d’Or race pawh a hot chho zel dawn a, football-ah chuan mimal chawimawina sang ber pakhat a ni. Lionel Messi leh Cristiano Ronaldo hi kum 10 liamta chhung khan Ballon d’Or dawng hnem ber pahnih anni.
Messi leh Ronaldo hian Ballon d’Or 12 lak tur theih awmah vawi 11 lai an la a, Leo Messi hian Ballon d’Or vawi 6 dawngin Ballon d’Or dawng hnem ber a ni. Pahnihnaah C Ronaldo awm vein Ballon d’Or 5 a dawng ve.
Kum hmasa lamah khan Covid 19 hrileng avangin Ballon d’Or an cancel. Mahse, kumin erawh an sem ngei dawn niin a lang. December thla daihah an sem dawn avangin dawng tur ber pawh a la hriat theih lova, sawi lawk theih pawh a ni lo.
Lionel Messi leh Cristiano Ronaldo hian Ballon d’Or an chuh thei ve mai thei a, mahse, anni pahnih karah hian sakawrdum an awm nual dawn a, an zinga pakhat chu Jorginho hi a ni. Chelsea midfieder hian Ballon d’Or dawn theihna turin a thlen chin hi a tawk viau tawh maithei.
Engpawhnise, tun tumah hian Jorginho’an Ballon d’Or 2021 dawn a phu chhan 5 te kan rawn tarlang dawn a ni.
5. Premiere League season khelh zawh takah khan Chelsea tana Premiere League goal khung hnem ber a ni.
Hei point pawimawh tak pakhat a ni ngei ang, Jorginho hi 2020-21 season khan Chelsea tana Premiere League goal khung hnem ber a ni. Chelsea an chet thatna pakhat chu amah vang hi a ni ti ila kan sawi sual awm love. Englai pawhin a team te nghet takiin a awm tir thei reng a ni.
Jorginho hi an team tana goal khungtu ber a ni lova, mahse, season liamtaah khan goal 7 lai a khung a ni. Heng a goal khung zawng zawng te hi penaty spot atanga a khung te vek a ni.
2020-21 season-ah khan Chelsea tan inelna hrang hrangah match 43 lai a khel a, goal 8 a khung mai bakah assist vawi 2 a nei tling. Jorginho tan goal khung leh assist neih kha thil tum ber a ni lo tih chu in hriat vek a rinawm.
4 Jorginho hi Euroe 2020 khelh zawh taka player tha ber pakhat a ni
Euro 2020 ah khan Jorginho hi Italy midfield-ah khel lehin a pawimawh hle. Italy tan a tangkai ang reng hle.
Euro 2020 ah pawh khan Italy a champion pui a, Jorginho hi player fing tak leh remhre tak pakhat a ni, Euro ah khan interceptions 25, recoveries 48 leh vawi 19 lai mai faul a hlawh chhuak a ni.
3 Inelna lian thamah Player che tha thei tak a ni
2 Jorginho hi player nawi hmel leh midang te aia speed muang ni mahse, Chelsea leh Italy tan a pawimawh
Mitamtakin Chelsea lama a chet that chhan chu N’golo Kante awm vang niin an sawi a, mahse, Euro lamah a che tha leh lawi si. Hei hian Jorginho that zia a pholang a, a ruk takin a tha tih a chiang a ni.
1 European Trophy lian a chawi vek
Major trophy chawi anga Ballon d’Or pek tur ni ta se, Jorginho hian a dawng nei ang le. Europe inelna lian thama trophy chawi theih tur a chawi vek.
Chelsea tan a hmasa berah UEFA Champions League nomawi a chawi pui a, hei hi Europe club inelna sang ber a ni. A dawtah Italy chu UEFA Euro 2020 nomawi a chawi pui leh bawk. Hei hi Europe ram inelna sang ber a ni. Nizan khan UEFA Super Cup nomawi a chawi leh bawk, hei hi club inelna sang ber Champions League leh Europa League a champions te inchuh nomawi a ni.
Source SK