Chelsea midfielder hlui Cesc Fabregas chuan London club a chhuahsan chhan pakhat chu Jorginho a nih thu a sawi. Fabregas chuan Jorginho hian Chelsea XI ah hmun a luah nghet hle niin a sawi a, hei vang hian AS Monaco a pan niin a sawi.
Kum 2018 khan Chelsea chuan an manager thar atan Maurizio Sarri an la lut a, an lak luh rual hian Jorginho pawh an la lut bawk. Italian manager Sarri hnuaiah Jorginho hi first choice central option a ni.
Tun hnai khan BBC chuan Italy in Turkey an hneh chungchangah Fabregas chu interview an neih pui a, Fabregas hian Jorginho chu a fak hle, player fing tak a nih thu a sawi.
“Chelsea ka chhuahsan chhan lian ber chu amah vang hi a ni. Player smart tak a ni a, a fing bawk a, ball pass ah pawh a tha hle. Thil pakhat ka sawi reng theih chu, forward lamah ball a pass dawnin, a pass rang thei hle. Team chu tick hmangin a khelh pui thin.”
Jorginho hi Chelsea leh Italian national team tana a chet that thu a sawi tel bawk.
“Chelsea-ah chuan N’Golo Kante hian englai pawhin a venghim a, hei hi thil pawimawh tak a ni tih ka hria. Euro hi game lian tak a ni a, eng tiangin nge a chet theih tih chu ka hre lo. Player tha tak leh tactic tha tak nei mi a ni. Eng nge tih tur tih a hria a, a chhan chu coach method a khelh dan a thiam tlat, hei hian a puih nasa hle.” tiin Fabregas chuan Jorginho chungchang a sawi.
Rio Ferdinand’an Chelsea star Jorginho a fak
Cesc Fabregas’an Jorginho a fakna chhunzawmin Rio Ferdinand chuan Jorginho hian Italian team chu tactical takin a puih niin a sawi.
“Jorginho hian Italy team a puih a, Kante’an Chelsea-ah a puih ve bawk. Mahse, tactical takin Italy team hi a puih tam zawk. Hmun awl zau tak hmangin center back te a puih a, hetianga team center back puih hi a mamawh tak zetin ka hri.” tiin Rio Ferdinand chuan Jorginho chungchang a sawi.
Euro 2020 game hmasa berah Italy chuan Turkey chu 3-0 in an hneh a, Nilaini khian Switzerland an hmachhawn leh ang, Group game hnuhnung berah Wales an hmachhawn bawk ang.
Source SK