Jorge Mendes chuan Cristiano Ronaldo chu Paris Saint-Germain lamah a offered niin report in a tarlang a, Lionel Messi nen hian hmunkhatah an khel thei dawn niin a lang.
Kan hriat angin Cristiano Roanldo chuan Juventus atang Manchester United a zawm leh a, summer transfer laia sawi hlawh ber leh sawi tam ber a ni. Kum 12 hnuah Old Trafford a zawm leh a ni.
Manchester United lama a kir leh hnu hian all competion ah match 15 a khel tling leh der tawh a, goal 10 a khung tawh bawk. Ronaldo hian goal khung thei viau mahse, Red Devils lamin result tha an hlawhchhuak thei meuh lo.
Thla hmasa khan Manchester United chuan an manager Ole Gunnar Solskjaer an ban a, tun season chhung United enkawltu tur atan Ralf Rangnic chu ruat a ni.
United in Rangnick an lak luh hnuah Manchester United lama C Ronaldo hmalam hun tur pawh a chiang lova. RB Leipzig boss hlui system leh C Ronaldo khelh dan hi a inrem vak lo niin an sawi.
Rangnick’an RB Leipzig leh club dang alo enkawl tawhnaah hrim hrim player naupang te a duhsak thei hle. Hei vang pawh hian Ronaldo hi Rangnick system ah chuan a lang tam vak lo maithei.
Cristiano Ronaldo agent Jorge Mendes pawhin hei hi hriain a client tan duhthlan tur dang a ngaihtuah sak niin an sawi . Spanish outlet El Nacional tarlan dan chuan, C Ronaldo agent hian Paris Saint-Germain lamah a offer niin an tarlang a. Lionel Messi nen hian hmunkhatah an khel lovang tih pawh a sawi theih loh.
An sawi zel danah Jorge Mendes hian C Ronaldo transfer chungchangah PSG a contact tawh niin an sawi tel bawk.
C Ronaldo leh Leo Messi te hi club pakhat tan an khel dun mai lovang maw?
Cristiano Ronaldo leh Lionel Messi hi PSG tan an khel dun thei ang em?
Kum 10 ai tam Cristiano Ronaldo leh Lionel Messi karah inhnialna a awm tawh a, tu nge ‘Greatest of All Time’ ni ang tiin mitamtak an lo inhnial thin tawh. Ballon d’Or an dawn belh khawm zawng zawng chu 12 a ni tawh.
Ronaldo leh Messi hi kum 30 an kai tawh a, tun atanga rei vak lovah football an chawlhsan tawh ang. Mi tamtakin duh dan chuan anni pahnih hi an retire hmain hmunkhatah vawikhat tal hi chu khel ve hrim hrim se tih hi a ni.
Kylian Mbappe hi Real Madrid zawm tur anga sawi a ni mek a, hei vang hian PSG lamin Cristiano Ronaldo hi lak theihna chance an nei thei dawn. Kum 36 a upa C ROnaldo leh Messi hi club pakhat tan an khel dun thei a nih ngat chuan mi tamtak tan dream come true a ni ang.
Source SL