John Terry chuan 2021-22 UEFA Champions League champion tura a rin club pali a sawi a, Premiere League club pathum zinga pakhat tal an champion a ring.
Manchester City, Liverpool leh Chelsea te hi Premiere League season chanve khelh mekah hmahruaitu anni a. Blues defender hlui John Terry chuan an zinga pakhat tal hi May thla final khelh turah an lan ngei a ring.
Kan hriat angin John Terry chuan kum 2012 khan Chelsea chu Champions League nomawi alo chawi pui tawh a nih kha. Allianz Arena ah Bayern Munich an hneh a ni. Bayern Munich pawh hi tun tuma rinkai ber pakhat anni mek.
Round of 16 draw an neih zawh ruak khan, Blues defender hlui Terry chuan Twitter lamah ‘Kumin Champions League ah hian tu nge champion ta ang le? Chelsea, Bayern Munich, Liverpool leh Manchester City te atang hian champion an awm ka ring’ tiin a sawi.
UCL Round of 16 draw that a nih leh khan Chelsea chuan French club Lille an hmachhawn dawn a, Liverpool pawhin Inter Milan an hmachhawn ang.
Manchester City in Sporting Lisbon an hmachhawn anga, Bayern Munich lamin Red Bull Salzburg an hmachhawn bawk ang. Han en vang vang ta ila, an hmachhawn tur team te hi an zuam awm ang reng. Mahse, team tha tak vek anni.
Team thenkhat chuan team lian deuh an hmachhawn. Paris Saint Germain chuan Real Madrid an hmachhawn dawn a, Manchester United pawhun Atletico Madrid an hmachhawn ang.
Benfica in Ajax an hmachhawn anga, Villarreal in Juventus an hmachhawn bawk ang.
Chelsea hi UCL champion lai anni a, kumin May thla khab Porto ah Manchester City nen UCL Final khelin an champion.
Source Sl