Lawrkhawm Huapzau Celebrity

John Cena’an a bialnu hlui Nikki Bella a lawmpui

John Cena’an a bialnu hlui Nikki Bella a lawmpui

WWE Legend John Cena chuan a bialnu hlui Nikki Bella chu nu a nih theih avangin a chhuang a, a lawmpui niin The Sun in a tarlang.

Kum 36 a upa Nikki Bella chuan kumin kumtir lam khan fapa a hring a, a fapa pa hi kum 38 a upa Artem Chigvintsev a ni.

John Cena leh Nikki Bella te inthen atanga kum 2 na velah Bella-i hian fapa a nei a, HollywoodLife in an tarlan dan chuan, kum 43 a upa John Cena chuan a bialnu hlui chu a chhuang hle tiin an tarlang.

Source in a tarlan dan chuan, “John Cena hian a bialnu hlui Nikki Bella chu a lawmpui tak zet, a chhan chu hunrei tak nih a chak tawh a nih theih avangin”

“A tan chuan fa neih hi a pawimawh tak zet, John Cena hian englaimahin a tihhlawhtlin sak thei lo a, Nikki-in fa a neih vangin amah John Cena pawh a hlim hle”

John Cena hian Nikki Bella chu a lawmpui tak zet a ni, hunrei tak an lo inzui ve tawh a, mahse, fa erawh an nei lo. A tawpah chuan an inthen phah nge nge.

Nikki Bella-in fa a neih atanga darkar 24 velah a unaunu Brie-i pawhin fa a hring ve nghal a ni. WWE star Daniel Bryan leh Brie te hian an fa pahnihna hmel an hmuhna a ni.

Nikki Bella leh Brie te hi phir an ni a, social media lamah an rai lai thlalak an share hmuh tur a awm nual, January thla velah fa an neih theih ve ve tur thu an lo sawi chhuak tawh a ni.

Source The Sun

Please follow and like us: